ସୁବର୍ଣ୍ଣପୁର: ପାତାଳୀ ଶ୍ରୀକ୍ଷେତ୍ର ଭାବେ ପରିଚିତ ସୁବର୍ଣପୁରରେ ଆରମ୍ଭ ହୋଇଛି ଶ୍ରୀଜଗନ୍ନାଥଙ୍କ ବାହୁଡା ଯାତ୍ରା । ଶୁକ୍ରବାର ସହରର ଶ୍ରୀଗୁଣ୍ଡିଚା ମନ୍ଦିରରୁ ମହାବାହୁ ବଡ ଭାଇ ଶ୍ରୀ ବଳଭଦ୍ର ଓ ଭଉଣୀ ଦେବୀ ସୁଭଦ୍ରାଙ୍କ ସହିତ ସ୍ବମନ୍ଦିର ପ୍ରତ୍ୟାବର୍ତ୍ତନ କରିବାକୁ ବାହୁଡା ଯାତ୍ରାରେ ବାହାରିଛନ୍ତି । ସନ୍ଧ୍ୟାରେ ତିନି ବିଗ୍ରହଙ୍କ ଧାଡ଼ି ପହଣ୍ଡି କରାଯାଇ ସେମାନଙ୍କୁ ରଥାରୂଢ କରାଯାଇଛି । ଏହାପରେ ପାରମ୍ପରିକ ରୀତିନୀତିରେ ଆରମ୍ଭ ହୋଇଛି ବାହୁଡା ଯାତ୍ରା ।
ଭିିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ରୀତି ଅନୁଯାୟୀ ମନ୍ଦିରରୁ ବାହାରିବା ପରେ ବିଗ୍ରହମାନଙ୍କୁ ଛପନ ଭୋଗ ଦିଆଯାଇଥିଲା । ଭୋଗ ପରେ ସନ୍ଧ୍ୟା ଆରତୀ କରାଯାଇ ବିଗ୍ରହମାନଙ୍କୁ ପହୁଣ୍ଡି କରାଯାଇଥିଲା । ତେବେ ପାତାଳୀ ଶ୍ରୀକ୍ଷେତ୍ରରେ ରହିଥିବା ନିଆରା ପରମ୍ପରା ଅନୁଯାୟୀ ପ୍ରତିଟି ଦୁଆରରେ ତିନି ବିଗ୍ରହଙ୍କୁ ପୂଜାର୍ଚ୍ଚନା କରାଯିବା ପରେ ସେବାୟତମାନେ ବିଗ୍ରହମାନଙ୍କୁ ରଥାରୂଢ କରିଥିଲେ ।