ସୁବର୍ଣ୍ଣପୁର: ଲକଡାଉନରେ କ୍ଷତିଗ୍ରସ୍ତ ଖାରି ଅଟୋ ଚାଳକ ସଂଘ ପକ୍ଷରୁ ଜିଲ୍ଲା ପ୍ରଶାସନ ନିକଟରେ ବିଭିନ୍ନ ଦାବି ରଖାଯାଇଛି । ସଂଘର ବରିଷ୍ଠ ସଦସ୍ୟ ଉମେଶ ଚନ୍ଦ୍ର ନାଗଙ୍କ ନେତୃତ୍ବରେ ଏକ ପ୍ରତିନିଧି ଦଳ ଅତିରିକ୍ତ ଜିଲ୍ଲାପାଳ ଶରତ ଚନ୍ଦ୍ର ପଣ୍ଡାଙ୍କୁ ଭେଟି ଏକ ସ୍ମାରକ ପତ୍ର ପ୍ରଦାନ କରିଛନ୍ତି ।
ଲକଡାଉନ ବୁଡାଇଛି ବେଉସା, ଆର୍ଥିକ ସହାୟତା ଦାବି କଲା ଅଟୋ ଚାଳକ ସଂଘ
ଲକ ଡାଉନ ଘୋଷଣା ହେବା ପରେ ଟାକ୍ସି ଓ ଅଟୋ ଚଳାଚଳ ବନ୍ଦ ରହିଥିବାରୁ ମାଲିକମାନେ କ୍ଷତିଗ୍ରସ୍ତ ହେବା ସହିତ ଡ୍ରାଇଭର ଓ ଭଡାରେ ଅଟୋ ଚଳାଉ ଥିବା ଡ୍ରାଇଭରମାନେ ବି କ୍ଷତିଗ୍ରସ୍ତ ହୋଇଛନ୍ତି । ଫଳରେ ଉଭୟ ମାଲିକ ଓ ଡ୍ରାଇଭରମାନଙ୍କ ଜୀବନ ଜୀବିକା ସଂକଟରେ ପଡିଯାଇଛି । ନିଜର ଦୈନନ୍ଦିନ ପାରିବାରିକ ଖର୍ଚ୍ଚରେ ବି ସମସ୍ୟା ସୃଷ୍ଟି ହୋଇଥିବା ସଂଘ ପକ୍ଷରୁ ଅଭିଯୋଗ ହୋଇଛି । ଜିଲ୍ଲାରେ କଡାକଡି ଭାବେ ଲକ ଡାଉନ ପାଳନ କରାଯାଉଥିବାରୁ ଗାଡି ଷ୍ଟାଣ୍ଡରେ ଠିଆ ହୋଇରହିଛି ।