ସୁବର୍ଣ୍ଣପୁର : ବିନିକା ପୋଲିସ ବିଶାଳ ପାଲି ଛକରେ ଏକ ପାନ ଦୋକାନରେ ଚଢ଼ାଉ କରି ବିପୁଳ ପରିମାଣରେ ବିଦେଶୀ ମଦ ଜବତ କରିଛି ପୋଲିସ । ଜିଲ୍ଲା ଆରକ୍ଷୀ ଅଧିକ୍ଷକ ଦେବୀ ପ୍ରାସାଦ ଦାଶଙ୍କ ନିର୍ଦେଶରେ ହୋଇଥିଲା ଚଢାଉ । 40 ବର୍ଷୀୟ ଉଦୟ ନାଥ କର୍ମୀଙ୍କ ଦୋକାନରୁ 174 ବୋତଲ ବିଦେଶୀ ମଦ ଜବତ କରାଯାଇଛି ।
ଭିଡିଓ ସୌଜନ୍ୟ : ପ୍ରତିନିଧି,ସୁବର୍ଣ୍ଣପୁର
ପ୍ରାୟ 80 ଲିଟର ମଦର ଆନୁମାନିକ ମୂଲ୍ୟ 30 ହଜାର ଟଙ୍କା ହେବ ବୋଲି ଜଣାପଡିଛି । 80 ଲିଟର ମଦ ସହିତ ପାନ ଦୋକାନୀ ଉଦୟ ନାଥ କର୍ମୀକୁ ପୋଲିସ ଗିରଫ କରି ଏକ ମାମଲା ରୁଜୁ କରିଛି । ବିଧାୟକ ନିରଞ୍ଜନ ପୂଜାରୀ ଅବକାରୀ ମନ୍ତ୍ରୀ ହେବା ପରେ ଜିଲ୍ଲା ପୋଲିସ ବିଭାଗ ପକ୍ଷରୁ ବେଆଇନ ମଦ କାରବାର ଉପରେ ବ୍ୟାପକ ଚଢ଼ାଉ କରାଯାଉଛି। ହେଲେ ଅନେକ ସମୟରେ ଅସଫଳ ହେଉଥିବା ପୋଲିସକୁ ଆଜି ସଫଳତା ମିଳିଛି ।