ସୁବର୍ଣ୍ଣପୁର:ତରଭା ସହରର ଆଶ୍ରିତା ଉଜ୍ଜଳା ସୁଧାର ଗୃହରୁ ୪ ଜଣ ନାବାଳିକାଙ୍କ ସମେତ ଜଣେ ପ୍ରାପ୍ତ ବୟସ୍କା ଅନ୍ତେବାସୀ ଫେରାର ହୋଇଯାଇଥିବା ଜଣାପଡିଛି । ଏନେଇ ଥାନାରେ ଏତଲା ଦେଇଛନ୍ତି ସୁଧାରଗୃହ କର୍ତ୍ତୃପକ୍ଷ। ତରଭା ସହରର ହାଟପଡାସ୍ଥିତ ସୁଧାର ଗୃହରୁ ଆଜି ପାହାନ୍ତିଆରେ ଅନ୍ତେବାସୀମାନେ ଫେରାର ମାରିଥିବା ସୁଧାର ଗୃହ କର୍ତ୍ତୃପକ୍ଷ ଥାନାରେ ଲିଖିତ ଅଭିଯୋଗ କରିବା ପରେ ତଦନ୍ତ ଆରମ୍ଭ କରିଛି ପୋଲିସ ।
ସୁଧାରଗୃହରୁ ୪ ନାବାଳିକା ସମେତ ୫ ଅନ୍ତେବାସୀ ଫେରାର , ଖୋଜୁଛି ପୋଲିସ
ଘଟଣା ସମ୍ପର୍କରେ ମିଳିଥିବା ସୂଚନା ଅନୁସାରେ, ଗତକାଲି ରାତିରେ ସୁଧାରଗୃହର ବେଡରୁମର ଝରକା ଭେଣ୍ଟିଲେସନ ପାଇଁ ଅନ୍ତେବାସୀମାନେ ଖୋଲା ରଖିଥିଲେ । ତେବେ ରାତିରେ ସୁଧାରଗୃହର କର୍ମଚାରୀମାନ ଶୋଇ ଯାଇଥିବାର ସୁଯୋଗ ନେଇ ଏମାନେ ଫେରାର ମାରିଥିବା ସୁଧାର ଗୃହର ପ୍ରକଳ୍ପ ନିର୍ଦ୍ଦେଶିକା କବିତା ସେଠୀ ଥାନାରେ ଏତଲାରେ ଦର୍ଶାଇଛନ୍ତି ।