ସୁବର୍ଣ୍ଣପୁର: ଅଜଣା ରୋଗରେ ଆକ୍ରାନ୍ତ ହୋଇ 12 ଛେଳିଙ୍କର ମୃତ୍ୟୁ ଘଟିଛି । ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଗ୍ରାମରେ ଛେଳି ମଡକର ଏଭଳି ଏକ ଘଟଣା ସାମ୍ନାକୁ ଆସିଛି । ସମସ୍ତ ମୃତ ଛେଳି ଗ୍ରାମର ସୁନ୍ଦର ଦଣ୍ଡସେନାଙ୍କର ଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ସୂଚନା ମୁତାବକ, ଗତ ତିନିଦିନ ହେଲା ଛେଳିମାନେ ସ୍ବାଶ କ୍ରିୟାରେ କଷ୍ଟ ଅନୁଭବ କରୁଥିବା ସୁନ୍ଦର ଅନୁମାନ କରିଥିଲେ । ଏହା ସହିତ ସେମାନଙ୍କ ଶରୀରର ବିଭିନ୍ନ ସ୍ଥାନ ଫୁଲିବା ସହିତ କଣ୍ଠ ଫୁଲିଯାଇଥିଲା । ତେବେ ସୁନ୍ଦର ଡୁଙ୍ଗୁରିପାଲି ପଶୁ ଚିକିତ୍ସାଳୟକୁ ଯାଇ ଛେଳିଙ୍କ ସ୍ବାସ୍ଥ୍ୟ ପରୀକ୍ଷା ପାଇଁ ପଶୁ ଚିକିତ୍ସକଙ୍କୁ ଗୁହାରି କରିଥିଲେ । ହେଲେ ପଶୁ ଚିକିତ୍ସକ ସେମାନଙ୍କ ସ୍ବାସ୍ଥ୍ୟ ପରୀକ୍ଷା କରିବାକୁ ପହଞ୍ଚି ନଥିବା ଅଭିଯୋଗ କରିଛନ୍ତି ସୁନ୍ଦର ।