ସମ୍ବଲପୁର: ଜିଲ୍ଲାର ଯୁଜୁମୁରା ବ୍ଲକ କେସାପାଲି ଗ୍ରାମ ପଞ୍ଚାୟତର କୋଲ ଗାଁ ରେ ବନ ବିଭାଗର ଅଧୀନରେ ହେଉଥିବା ମନରେଗା କାର୍ଯ୍ୟରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ହୋଇଛି । ଏନେଇ ସ୍ଥାନୀୟ ଲୋକ ତଥା ଶ୍ରମିକମାନେ ସମ୍ବଲପୁର ଭିଜିଲାନ୍ସର ଦ୍ବାରସ୍ଥ ହୋଇ ଲିଖିତ ଅଭିଯୋଗ କରିଛନ୍ତି । ଘଟଣାର ତଦନ୍ତ ପାଇଁ ସେମାନେ ଦାବି କରିଛନ୍ତି ।
MGNREGAରେ ବ୍ୟାପକ ଅନିୟମିତତା ଅଭିଯୋଗ, ଭିଜିଲାନ୍ସର ଦ୍ବାରସ୍ଥ ହେଲେ ଗ୍ରାମବାସୀ
ଗରିବ ଖଟିଖିଆଙ୍କୁ ରୋଜଗାର ଯୋଗାଇବା ପାଇଁ ମନରେଗା ଯୋଜନା ରହିଛି । ଏହି ଯୋଜନା ଅନୁସାରେ ଜଣେ ଶ୍ରମିକ ବାର୍ଷିକ 90 ଦିନର କାର୍ଯ୍ୟ ପାଇବାର ନିୟମ ରହିଛି । ତେବେ ଜିଲ୍ଲାର ଯୁଜୁମୁରା ବ୍ଲକ କେସାପାଲି ପଞ୍ଚାୟତର କୋଲ ଗାଁରେ ଏହି କାର୍ଯ୍ୟରେ ବ୍ୟାପକ ଅନିୟମିତତା ହୋଇଥିବା ଗ୍ରାମବାସୀ ଅଭିଯୋଗ କରିଛନ୍ତି । ଗାଁ ଶ୍ରମିକମାନଙ୍କ ଜବ କାର୍ଡ ନେଇ ବନ ବିଭାଗର କେତେକ ଅଧିକାରୀ ବ୍ୟାପକ ଦୁର୍ନୀତି କରିଥିବା ଗାଁ ଲୋକେ ଅଭିଯୋଗ କରିଛନ୍ତି । ବନ ବିଭାଗ ଅଧୀନରେ ହେଉଥିବା ଟ୍ରେଞ୍ଜ କାର୍ଯ୍ୟ ଓ ବୃକ୍ଷରୋପଣ କାର୍ଯ୍ୟରେ ଦୁର୍ନୀତି ହୋଇଥିବା ଅଭିଯୋଗ ହୋଇଛି।