ସମ୍ବଲପୁର: ପୋଲିସ ହେପାଜତରୁ କୁଖ୍ୟାତ ଅପରାଧୀ ତଥା ଗ୍ୟାଙ୍ଗଷ୍ଚାର ହାଇଦର ଫେରାର ହେବା ଘଟଣାରେ ରାଜ୍ୟବ୍ୟାପୀ ଆଲୋଡନ ସୃଷ୍ଟି ହୋଇଥିବାବେଳେ ଏବେ ଏହାକୁ ନେଇ ଏକ ସାଙ୍ଘାତିକ ତଥ୍ୟ ସାମ୍ନାକୁ ଆସିଛି । ଗ୍ୟାଙ୍ଗଷ୍ଟାର ହାଇଦରକୁ କଟକ ଏସସିବିକୁ ରେଫର କରିନାହାନ୍ତି ଭିମସାର କର୍ତ୍ତୃପକ୍ଷ । ଏପରି କିଛି ଚାଞ୍ଚଲ୍ୟକର ବୟାନ ଦେଇଛନ୍ତି ଖୋଦ ଭିମସାର ଅଧ୍ୟକ୍ଷ ଡାକ୍ତର ଲାଲ ମୋହନ ନାୟକ । ତେବେ ଭିମସାର କର୍ତ୍ତୃପକ୍ଷଙ୍କ ବିନା ପରାମର୍ଶରେ କୁଖ୍ୟାତ ଅପରାଧୀ ହାଇଦରକୁ କାହିଁକି ସମ୍ବଲପୁରରୁ ସୁଦୁର କଟକ ଏସସିବିକୁ ସ୍ଥାନାନ୍ତରିତ କରାଗଲା ତାକୁ ନେଇ ଏବେ ବଡ ପ୍ରଶ୍ନ ମୁଣ୍ଡ ଟେକିଛି ।
ଭିମସାର ଅଧ୍ୟକ୍ଷଙ୍କ ବିସ୍ଫୋରକ ବୟାନ , ଭିମସାରରେ ଭର୍ତ୍ତି ହୋଇନଥିଲା ଗ୍ୟାଙ୍ଗଷ୍ଟାର ହାଇଦର
ଭିମସାର ଅଧ୍ୟକ୍ଷଙ୍କ ପ୍ରତିକ୍ରିୟା ମୁତାବକ, ହାଇଦରକୁ ଗତବର୍ଷ ଡିସେମ୍ବର 15ରେ ଶେଷ ଥର ପାଇଁ ବୁର୍ଲାସ୍ଥିତ ଭୀମସାରକୁ ଚିକିତ୍ସା ପାଇଁ ଅଣାଯାଇଥିଲା । ତେବେ ଗତ ମାସ 23 ତାରିଖରେ ସେ ବୁର୍ଲାରେ ଭର୍ତ୍ତି ହୋଇଥିବା ନେଇ ଯେଉଁ ଚର୍ଚ୍ଚା ହେଉଛି ସେନେଇ ତାଙ୍କ ପାଖରେ କୌଣସି ରେକର୍ଡ ନାହିଁ ବୋଲି କହିଛନ୍ତି ଅଧ୍ୟକ୍ଷ ମୋହନ ନାଏକ।