ସମ୍ବଲପୁର: ଓଡ଼ିଶା ଷ୍ଟାଫ ସିଲେକ୍ସନ କମିଶନ ସଦସ୍ୟଙ୍କ ବ୍ୟକ୍ତିଗତ ସଚିବ ବିରଞ୍ଚି ନାରାୟଣ ସାହୁଙ୍କୁ ଭିଜିଲାନ୍ସ ଗିରଫ କରିବା ପରେ ଏହାକୁ ନେଇ ଏବେ ରାଜନୀତି ଘନେଇଛି । ଏହି ଘଟଣାରେ ଛୋଟ ମାଛ ଧରା ପଡିଥିବା ବେଳେ ରାଜ୍ୟ ସରକାରଙ୍କ ବହୁ ବଡ଼ ବଡ଼ିଆ ବାବୁମାନଙ୍କ ସମ୍ପୃକ୍ତି ଥିବା ଅଭିଯୋଗ କରିଛି ବିଜେପି ଯୁବ ମୋର୍ଚ୍ଚା ।
ଓଡ଼ିଶା ଷ୍ଟାଫ ସିଲେକ୍ସନ କମିଶନର ସଦସ୍ୟଙ୍କ ବ୍ୟକ୍ତିଗତ ସଚିବ ଘରେ ଭିଜିଲାନ୍ସ ରେଡ଼ ହେବା ସହ ଆୟ ବହିର୍ଭୁତ ସମ୍ପତ୍ତି ଠାବ ହେବା ପରେ ଏବେ ଏନେଇ ରାଜନୀତି ଜୋର ଧରିଛି । ଆଜି(ଶନିବାର) ଜିଲ୍ଲା ବିଜେପି କାର୍ଯ୍ୟାଳୟରେ ହୋଇଥିବା ଏକ ସାମ୍ବାଦିକ ସମ୍ମିଳନୀରେ ରାଜ୍ୟ ବିଜେପି ଯୁବ ମୋର୍ଚ୍ଚା ସଭାପତି ଇରାଶିଷ ଆଚାର୍ଯ୍ୟ ରାଜ୍ୟ ସରକାରଙ୍କ ଉପରେ ଟାର୍ଗେଟ କରିଛନ୍ତି ।