ସମ୍ବଲପୁର:ରେଢ଼ାଖୋଲର ନିଆରା ପରମ୍ପରା । ଦୀପାବଳି ଅବସରରେ ଖେଳନ୍ତି ନିଆଁ ପେଣ୍ଡୁ ଖେଳ । ସହରବାସୀ ନିଆଁର ପେଣ୍ଡୁ ଖେଳି ଦୀପାବଳି ପାଳନ କରିଥାନ୍ତି । ପ୍ରତି ବର୍ଷ ଦୀପାବଳି ଦିନ ସଂଧ୍ୟାରେ ସ୍ଥାନୀୟ ମିନି ଷ୍ଟାଡିୟମରେ ଏହି ଖେଳ ଅନୁଷ୍ଠିତ ହୋଇଥାଏ ।
ତେବେ ପ୍ରଥମେ ଅଖାବସ୍ତାର ସୁତୁଲିକୁ ଗୋଲ କରି ଗୁଡ଼ାଇ ଏକ ଫୁଟବଲ ତିଆରି କରିଥାନ୍ତି ସେଥିରେ କିରୋସିନ ଢ଼ାଳି ନିଆଁ ଲଗାଯାଇଥାଏ । ସେହି ନିଆଁ ପେଣ୍ଡୁ ବା ଫୁଟବଲକୁ ସ୍ଥାନୀୟ ଲୋକ ଖେଳିବାର ପରମ୍ପରା ବହୁ ପୁରୁଣା । ଏହି ନିଆଁ ପେଣ୍ଡୁ ଖେଳ ଦୀର୍ଘ ୪୦ ବର୍ଷ ହେଲା ଖେଳି ଆସୁଛନ୍ତି ସହରବାସୀ । ନିଆଁ ପେଣ୍ଡୁ ଖେଳିବା ଦ୍ଵାରା ନିଆଁରୁ ଭୟ ଦୂର ହେବ ଏବଂ ନିଆଁକୁ ଆୟତ୍ତ କରିବାର ଏକ ସାହସ ମିଳିବ ବୋଲି ସ୍ଥାନୀୟ ଲୋକଙ୍କ ବିଶ୍ବାସ ରହିଛି ।
ରେଢ଼ାଖୋଲରେ ଦୀପାବଳୀର ନିଆରା ପରମ୍ପରା, ଖେଳାଯାଏ ନିଆଁର ପେଣ୍ଡୁ