ସମ୍ବଲପୁର: ଗ୍ରାହକଙ୍କ ପାଖରେ ପହଞ୍ଚିବା ପୂର୍ବରୁ ହରଣ ହେଉଥିଲା ସାମଗ୍ରୀ । ଚତୁରତାର ସହିତ ହେଉଥିଲା ଚୋରି । ପୁଣି ଚୋରି କରୁଥିଲେ ଦାୟିତ୍ବରେ ଥିବା ସେଲ୍ସ ମ୍ୟାନ । ଏକ ଅନଲାଇନ ଡେଲିଭର କମ୍ପାନୀ ଠାରୁ ଅନଲାଇନ ମଗାଯାଇଥିବା ସାମଗ୍ରୀକୁ ଗ୍ରାହକ ପାଖରେ ପହଞ୍ଚିବା ପୂର୍ବରୁ ଅତି ଚାଲାକିର ସହ ଚୋରି କରୁଥିବା ଅଭିଯୋଗରେ ସମ୍ବଲପୁର ଅଇଁଠାପାଲି ପୋଲିସ 3 ଜଣଙ୍କୁ ଗିରଫ କରିଛି।
ଭିଡିଓ ସୌଜନ୍ୟ : ସମ୍ବାଦଦାତା, ସମ୍ବଲପୁର
ଆଉ ସବୁଠାରୁ ବଡ଼ କଥା ହେଲା ଏଠାରେ ଚୋର ହେଉଛନ୍ତି ସେହି ମାନେ ଯେଉଁମାନେ କମ୍ପାନୀର ସାମଗ୍ରୀକୁ ଗ୍ରାହକଙ୍କ ଘରେ ପହଞ୍ଚାଇବାର ଦାୟିତ୍ୱରେ ଥିଲେ। ଦୁଇ ଜଣ ଅଭିଯୁକ୍ତ ହେଉଛନ୍ତି ନୟାଗଡ଼ ଜିଲ୍ଲାର ଇଟାମାଟି ଥାନା ଅନ୍ତର୍ଗତ ସୁକାନ୍ତ କୁମାର ମହାରଣା ଓ ବସନ୍ତ କୁମାର ଜେନା । ଉଭୟ ଅଭିୟୁକ୍ତ କମ୍ପାନୀକୁ ସେବା ଯୋଗାଉଥିବା କମ୍ପାନୀର ଡ୍ରାଇଭର ଭବେ କାମ କରୁଥଲେ।
ସମ୍ବଲପୁର ସଦର ଏସଡିପିଓ ଏକ ସାମ୍ବାଦିକ ସମ୍ବିଳନୀରେ ଏନେଇ ସୂଚନା ଦେଇଛନ୍ତି।