Lawyers Licence Suspension: ସ୍ୱାଭାବିକ ସ୍ଥିତି ଫେରାଇ ଆଣନ୍ତୁ ମୁଖ୍ୟମନ୍ତ୍ରୀ: ପଶ୍ଚିମ ଓଡିଶା ବିଜେପି ସାଂସଦ

ଆଇନଜୀବିଙ୍କ ଗିରଫଦାରୀ ବନ୍ଦ କରାଯାଉ । ଗିରଫ ଓକିଲଙ୍କୁ ତୁରନ୍ତ ମୁକ୍ତ କରାଯାଉ । ସମ୍ବଲପୁର ଜିଲ୍ଲାରେ ସ୍ବାଭାବିକ ସ୍ଥିତି ଫେରାଇ ଆଣନ୍ତୁ ରାଜ୍ୟ ସରକାର । ଓକିଲଙ୍କ ଲାଇସେନ୍ସ ସଚଳ କରାଯାଉ । ପଶ୍ଚିମ ଓଡିଶାରେ ହାଇକୋର୍ଟ ସ୍ଥାୟୀ ବେଞ୍ଚ ସ୍ଥାପନ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ (Chief Minister Naveen Patnaik) ବ୍ୟକ୍ତିଗତ ଭାବେ ହସ୍ତକ୍ଷେପ କରନ୍ତୁ । ଏଭିଳ ଦାବି ନେଇ ଆଜି ନୂଆଦିଲ୍ଲୀରେ ‘ପଶ୍ଚିମ ଓଡିଶା ବିଜେପି ସାଂସଦ’ ( Bharatiya Janata Party Parliamentarians from Odisha) ମାନେ ପ୍ରେସମିଟ କରି ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଦାବି କରିଛନ୍ତି । ଅଧିକ ପଢନ୍ତୁ

ନୂଆଦିଲ୍ଲୀ: ଆଇନଜୀବିଙ୍କ ଗିରଫଦାରୀ ବନ୍ଦ କରାଯାଉ । ଗିରଫ ଓକିଲଙ୍କୁ ତୁରନ୍ତ ମୁକ୍ତ କରାଯାଉ । ସମ୍ବଲପୁର ଜିଲ୍ଲାରେ ସ୍ବାଭାବିକ ସ୍ଥିତି ଫେରାଇ ଆଣନ୍ତୁ ରାଜ୍ୟ ସରକାର । ଓକିଲଙ୍କ ଲାଇସେନ୍ସ ସଚଳ କରାଯାଉ । ପଶ୍ଚିମ ଓଡିଶାରେ ହାଇକୋର୍ଟ ସ୍ଥାୟୀ ବେଞ୍ଚ ସ୍ଥାପନ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ (Chief Minister Naveen Patnaik) ବ୍ୟକ୍ତିଗତ ଭାବେ ହସ୍ତକ୍ଷେପ କରନ୍ତୁ । ଏଭିଳ ଦାବି ନେଇ ଆଜି ନୂଆଦିଲ୍ଲୀରେ ‘ପଶ୍ଚିମ ଓଡିଶା ବିଜେପି ସାଂସଦ’ ( Bharatiya Janata Party Parliamentarians from Odisha) ମାନେ ପ୍ରେସମିଟ କରି ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଦାବି କରିଛନ୍ତି ।

ପଶ୍ଚିମ ଓଡିଶା ବିଜେପି ସାଂସଦ ପ୍ରେସମିଟରେ ଦାବି କରି କହିଛନ୍ତି,‘‘ ପଶ୍ଚିମାଞ୍ଚଳର କେଉଁଠି ଓଡିଶା ହାଇକୋର୍ଟ ସ୍ଥାୟୀ ବେଞ୍ଚ ସ୍ଥାପନ (High Court bench) ହେବ, ସେ ସଂକ୍ରାନ୍ତରେ ଫଳପ୍ରଦ ନିଷ୍ପତି ମୁଖ୍ୟମନ୍ତ୍ରୀ ବ୍ୟକ୍ତିଗତ ଭାବେ ନିଅନ୍ତୁ । ଚିଠିରେ ଦର୍ଶାଇଛନ୍ତି ଯେ ପଶ୍ଚିମ ଓଡିଶାରେ ହାଇକୋର୍ଟ ସ୍ଥାୟୀ ବେଞ୍ଚ ସ୍ଥାପନା ପାଇଁ ପୂର୍ଣ୍ଣାଙ୍ଗ ପ୍ରସ୍ତାବ ଦେବା ପାଇଁ କେନ୍ଦ୍ର ଆଇନ ମନ୍ତ୍ରୀ ବାରମ୍ବାର ସଂସଦରେ ବିବୃତି ଦେଇଛନ୍ତି। ଏହାଛଡା , ବେଞ୍ଚ ସ୍ଥାପନ ପାଇଁ ସ୍ଥାନ ନିରୂପଣ, ଆବଶ୍ୟକ ଭିତ୍ତିଭୂମି, ବ୍ୟୟ ବହନ ଆଦି ପ୍ରସଙ୍ଗରେ ହାଇକୋର୍ଟର ମୁଖ୍ୟ ବିଚାରପତି ଓ ରାଜ୍ୟପାଳଙ୍କ ସହିତ ପରାମର୍ଶକରି ପ୍ରସ୍ତାବ ଦେଲେ କେନ୍ଦ୍ରସରକାର ପଦକ୍ଷେପ ନେବେ ବୋଲି କହିଥିବା ଦର୍ଶାଇଛନ୍ତି । ରାଜ୍ୟ ସରକାର ପୂର୍ଣ୍ଣାଙ୍ଗ ପ୍ରସ୍ତାବ ଦେଲେ ତାରି ଆଧାରରେ କେନ୍ଦ୍ର ସରକାର ସଂସଦ ଉଭୟ ଗୃହରେ ବିଲ ଆଣିବାକୁ ସମର୍ଥ ହେବେ ବୋଲି ଆଇନ ମନ୍ତ୍ରୀ ରାଜ୍ୟ ସରକାରଙ୍କୁ ଚିଠିରେ କହିଥିବା ଦର୍ଶାଇଛନ୍ତି ସାଂସଦ ମାନେ । ’’

ସେହିପରି ରାଜ୍ୟ ସରକାରଙ୍କ ପ୍ରତିବଦ୍ଧତା ଓ ନିଷ୍କ୍ରିୟତା କାରଣରୁ ଗତ 12 ତାରିଖରେ ଦୁର୍ଭାଗ୍ୟ ଜନକ ଘଟଣା ଘଟିଲା ବୋଲି କହିଛନ୍ତି । ହାଇକୋର୍ଟ ବେଞ୍ଚ ସ୍ଥାପନ ପ୍ରସଙ୍ଗ ଏହା ଏକ ସାଧାରଣ ଦାବି ନୁହେଁ । ଏହା ପଶ୍ଚିମାଞ୍ଚବାସୀଙ୍କ ଏକ ବୃହତ ସ୍ବାର୍ଥ ସମ୍ବନ୍ଧୀୟ ଦାବି । ରାଜ୍ୟ ସରକାର ଚାହିଁଥିଲେ ଏହି ଘଟଣା ରୋକି ପାରିଥାନ୍ତେ । ରାଜ୍ୟ ସରକାରଙ୍କ ପ୍ରତିବଦ୍ଧତା ଅଭାବରୁ ଆଜି ଆଇନଜୀବି ଗିରଫ ହୋଇ ଜେଲରେ । 43 ରୁ ଅଧିକ ଆଇନଜୀବିଙ୍କ ଲାଇସେନ୍ସ ବାତିଲ ହୋଇଛି । ସମ୍ବଲପୁର ବାର ଅନ୍ୟାଦେଶ ପର୍ଯ୍ୟନ୍ତ ନିଳମ୍ବିତ ହୋଇଛି । ଯାହା ସମ୍ବଲପୁରରେ କୋର୍ଟ କାର୍ଯ୍ୟ ଠପ ହୋଇପଡିଛି । ସାଧାରଣ ଲୋକେ ହଇରାଣ ହେଉଛନ୍ତି । ଏପରି ସ୍ଥିତିରେ କିପରି କୋର୍ଟ କାର୍ଯ୍ୟ ଚାଲିବ? ମାମଲାରେ ପୋଲିସର କାର୍ଯ୍ୟାନୁଷ୍ଠାନ ଜାରି ରହିଛି । ଯାହାକୁ ନେଇ ସହରରେ ଉତ୍ତେଜନା ରହିଛି । ରାଜ୍ୟର ଗୃହ ବିଭାଗ ମୁଖ୍ୟ ହିସାବରେ ତୁରନ୍ତ ଓକିଲଙ୍କ ଗିରଫଦାରୀ ବନ୍ଦ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦିଅନ୍ତୁ ବୋଲି ସାଂସଦ ମାନେ ଚିଠିରେ ଦାବି କରିଛନ୍ତି । ଏହାସହ ତୁରନ୍ତ ସ୍ବାଭାବିକ ସ୍ଥିତି ଫେରାଇ ଆଣିବାକୁ ଦାବି କରିଛନ୍ତି ।

ପଶ୍ଚିମ ଓଡିଶାର 5 ଜଣ ବିଜେପି ସାଂସଦ ବରଗଡ ସାଂସଦ ସୁରେଶ ପୂଜାରୀ, ବଲାଙ୍ଗୀର ସାଂସଦ ସଂଗୀତା ସିଂଦେଓ, ସମ୍ବଲପୁର ସାଂସଦ ନିତେଶ ଗଙ୍ଗଦେବ, ସୁନ୍ଦରଗଡ ସାଂସଦ ଜୁଏଲ ଓରାମ ଓ କଳାହାଣ୍ଡି ସାଂସଦ ବସନ୍ତ ପଣ୍ଡା ପ୍ରମୁଖ ମିଳିତ ଭାବେ ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ।

ଇଟିଭି ଭାରତ, ନୂଆଦିଲ୍ଲୀ