ସମ୍ବଲପୁର: ଗୁରୁବାର ଠାରୁ ସମ୍ବଲପୁରରେ ଆରମ୍ଭ ହୋଇଛି 3 ଦିନିଆ ଆଇନଜୀବୀ ଆନ୍ଦୋଳନ । ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି ନେଇ କେନ୍ଦ୍ରୀୟ କ୍ରିୟାନୁଷ୍ଠାନ କମିଟି ଡ଼ାକରାରେ ପ୍ରତ୍ୟେକ ମାସ ଶେଷ 3 କାର୍ଯ୍ୟ ଦିବସରେ ଜିଲ୍ଲାରେ ଆନ୍ଦୋଳନ ହୋଇଆସୁଛି ।
ସମ୍ବଲପୁରରେ ଆଜିଠୁ 3 ଦିନିଆଁ ଓକିଲଙ୍କ ଆନ୍ଦୋଳନ
ଏହି କ୍ରମରେ ଆଜିଠୁ ସମ୍ବଲପୁର ଓକିଲ ସଂଘ ତରଫରୁ କାର୍ଯ୍ୟବନ୍ଦ ଡାକରା ଦିଆଯାଇଛି । ସମ୍ବଲପୁର ଜିଲ୍ଲା ଓକିଲ ସଂଘର ସଦସ୍ୟ ସହ ବରିଷ୍ଠ ନାଗରିକ ତଥା ବିଭିନ୍ନ ବର୍ଗର ଲୋକେ କଚେରୀ ଛକରେ ଧାରଣାରେ ବସିବା ସହ ପିକେଟିଂ କରିଥିଲେ। ଆନ୍ଦୋଳନକାରୀ ମାନେ କୋର୍ଟର ବିଚାରପତିଙ୍କୁ ମଧ୍ୟ ଅଟକାଇ କୋର୍ଟ ଯିବାରୁ ବାରଣ କରିଥିଲେ।