ସମ୍ବଲପୁର: ଯୁକ୍ତ ତିନି କଳା ଓଡିଆ ବିଭାଗର ପଞ୍ଚମ ସେମିଷ୍ଟାର ପ୍ରଶ୍ନପତ୍ର ତ୍ରୁଟି । ସମ୍ବଲପୁର ବିଶ୍ବବିଦ୍ୟାଳୟରେ ଏହି ବିଭ୍ରାଟ ହୋଇଥିବା ସୂଚନା ମିଳିଛି । ଏହି ତ୍ରୁଟିପୂର୍ଣ୍ଣ ପ୍ରଶ୍ନପତ୍ର ତିଆରି କରିଥିବା ଜଣେ ଅଧ୍ୟାପକଙ୍କୁ ବାସନ୍ଦ କରାଯାଇଥିବା ପରୀକ୍ଷା ନିୟନ୍ତ୍ରଣ ସୂଚନା ଦେଇଛନ୍ତି ।
ସ୍ନାତକ ଓଡ଼ିଆ ପ୍ରଶ୍ନପତ୍ର ବିଭ୍ରାଟ, ଅଧ୍ୟାପକ ବାସନ୍ଦ
ସୂଚନାଯୋଗ୍ୟ, ଗୁରୁବାର ପରୀକ୍ଷା ସମୟରେ ଓଡିଆ ସ୍ନାତକ ପ୍ରଶ୍ନପତ୍ରରେ ଗୁରୁତର ତ୍ରୁଟି ଦେଖା ଦେଇଥିଲା । ତେବେ ପ୍ରଶ୍ନପତ୍ର ବିଭ୍ରାଟ ଘଟଣାକୁ ନେଇ ବିଶ୍ବବିଦ୍ୟାଳୟ ପ୍ରଶାସନ ପ୍ରଥମ ପର୍ଯ୍ୟାୟରେ ଠୋସ୍ ପଦକ୍ଷେପ ଗ୍ରହଣ କରିଛି । ପ୍ରଶ୍ନପତ୍ର ତିଆରି ଦାୟିତ୍ବରେ ଥିବା ଅଧ୍ୟାପକଙ୍କୁ ଏଥିପାଇଁ ଦାୟୀ କରାଯାଇ ବାସନ୍ଦ କରାଯାଇଛି । ତେବେ କେଉଁ ପରିସ୍ଥିତିରେ ଏପରି ବିଭ୍ରାଟ ହେଲା, ତାହାର ତଦନ୍ତ ପାଇଁ ଏକ କମିଟି ଗଠନ ହୋଇଥିବା କହିଛନ୍ତି ବୁର୍ଲାସ୍ଥିତ ଜ୍ୟୋତି ବିହାର ବିଶ୍ବବିଦ୍ୟାଳୟ ପରୀକ୍ଷା ନିୟନ୍ତ୍ରକ ।