ସମ୍ବଲପୁର: ଚାଷୀ ଭାଗ୍ୟକୁ ଜଳ ପ୍ରହାର । ଅମଳ ପୂର୍ବରୁ ଉଜୁଡି ଯାଇଛି ଫସଲ । ଆଖି ଆଗରେ ଉଜୁଡା ଫସଲକୁ ଦେଖି ମୁଣ୍ଡରେ ହାତ ଦେଇ ବସିଛି ଚାଷୀ । ଆମେ କହୁଛୁ ସମ୍ବଲପୁର ଜିଲ୍ଲା ଚାଅଁରପୁର ଧାନ ଚାଷୀଙ୍କ କଥା। ଅୟୁତ ସମ୍ଭାବନା ନେଇ ଧାନ ଚାଷ କରିଥିଲେ ଏଠାକାର ଚାଷୀ । ହେଲେ ସବୁ ଆଶା ମଉଳି ଯାଇଛି । ଜଳସେଚନ ଅଭାବରୁ ଉଜୁଡି ଯାଇଛି 15 ଏକରରୁ ଊର୍ଦ୍ଧ୍ବ ଧାନ ଚାଷ ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ଚାଅଁରପୁର ପିତାପାଲି ଗାଁର 25ରୁ 30 ପରିବାର ଧାନ ଚାଷ କରି ଗୁଜୁରାଣ ମେଣ୍ଟାଇଥାନ୍ତି। ଧାନ ଚାଷ ପାଇଁ ଏମାନେ ରବି ଋତୁରେ କେନାଲ ପାଣିରୁ ଲିଫ୍ଟ ପଏଣ୍ଟ ଜରିଆରେ ପାଣି ନେଇ ଚାଷ କରିଥାନ୍ତି । ତେବେ ଚଳିତ ବର୍ଷ ବିଦ୍ୟୁତ ବିଭାଗକୁ ବିଲ ପୈଠ କରିବା ପାଇଁ ପାଣି ପଞ୍ଚାୟତ ସଭାପତିଙ୍କୁ ବିଦ୍ୟୁତ ବିଲ ଦେଇଥିଲେ ଏମାନେ । ତଥାପି ବିଦ୍ୟୁତ ସଂଯୋଗ ବନ୍ଦ କରି ଦେଇଥିଲେ ବିଭାଗୀୟ କର୍ତ୍ତୃପକ୍ଷ ।