ସମ୍ବଲପୁର: ଛେଚୁଛି ବର୍ଷା, ଭିଜୁଛି ସମ୍ବଲପୁର । ନିର୍ଘାତିଆ ବର୍ଷା ମାଡରେ ସମ୍ବଲପୁର ଜିଲ୍ଲା ବିଶେଷ ଭାବେ ପ୍ରଭାବିତ ହୋଇଛି । ବର୍ଷାରେ ଉଭୟ ଗ୍ରାମାଞ୍ଚଳ ଓ ସହରାଞ୍ଚଳରେ ପାଣିମୟ ହୋଇଯାଇଛି । ବିଗତ 2 ଦିନ ଧରି ଜିଲ୍ଲାରେ ଲଗାଣ ବର୍ଷା ଲାଗି ରହିଥିବାରୁ ଜନଜୀବନ ପ୍ରଭାବିତ ହୋଇଛି ।
ମୁଖ୍ୟତଃ 7 ତାରିଖରେ ହୋଇଥିବା ବର୍ଷାରେ ଗ୍ରାମାଞ୍ଚଳର ଅନେକ ଚାଷଜମି କ୍ଷୟକ୍ଷତି ହୋଇଥିବାବେଳେ ଅନେକ ଜମିରେ ବାଲିଚର ମାଡିଯାଇଛି । ବହୁ ସଂଖ୍ୟକ ମାଟି ଓ ଚାଳ ଘର ଭାଙ୍ଗି ଯାଇଥିବାବେଳେ ଗ୍ରାମାଞ୍ଚଳରେ ବିଭିନ୍ନ ରାସ୍ତାରେ ଘାଇ ସୃଷ୍ଟି ହେବା ସହ ଯୋଗାଯୋଗ ବିଛିନ୍ନ ହୋଇଛି ।