ସମ୍ବଲପୁର:1 କୁଇଣ୍ଟାଲ ଓଜନର କୁଆପଥର ପଡିଥିବା ଚର୍ଚ୍ଚା, ଭିଡିଓ ଭାଇରାଲ । ସମ୍ବଲପୁର ଜିଲ୍ଲାର କୁଚିଣ୍ଡା ଉପଖଣ୍ଡ ଜମନକିରା ବ୍ଲକର ଟିକିଲିପଡ଼ା ପଞ୍ଚାୟତ ଅନ୍ତର୍ଗତ ବାଦୀବହାଲ ଗାଁରେ ମଙ୍ଗଳବାର ଅପରାହ୍ନରେ ଏକ କୁଇଣ୍ଟାଲ ଓଜନ ବିଶିଷ୍ଟ କୁଆପଥର ପଡିଥିବା କିଛି ସ୍ଥାନୀୟ ଲୋକ ଦାବି କରୁଛନ୍ତି । ଏନେଇ ଏକ ଭିଡିଓ ମଧ୍ୟ ଭାଇରାଲ ହୋଇଥିବାବେଳେ ଏହି ଭିଡିଓର ବୈଧତା ସ୍ପଷ୍ଟ ହୋଇ ପାରିନାହିଁ ।
1 କୁଇଣ୍ଟାଲ ଓଜନ ବିଶିଷ୍ଟ ହୋଇଥିବା ଚର୍ଚ୍ଚା
ସ୍ଥାନୀୟ ଧରଣୀ ଛତ୍ରିଆଙ୍କ ଘର ପଛପଟେ ମଙ୍ଗଳବାର ଅପରାହ୍ନ ପ୍ରାୟ 3ଟା ସମୟରେ କୁଆପଥର ପଡିଥିବା ସ୍ଥାନୀୟ ଲୋକେ କହିଛନ୍ତି । ତେବେ ସ୍ଥାନୀୟ ଲୋକେ କୁଆ ପଥର ପଡୁଥିବା ଅବସ୍ଥାରେ କେହି ଦେଖି ନଥିବା କହିଛନ୍ତି । ହେଲେ କୌଣସି ଏକ ବଡ଼ ଜିନିଷ ପଡୁଥିବାର ଶବ୍ଦ ଶୁଣି କିଛି ଲୋକ ଦୌଡ଼ି ଆସିବା ପରେ କିଛି ଖଣ୍ଡ ବିଖଣ୍ଡିତ ବରଫ ପଡିଥିବା ଦେଖିବାକୁ ପାଇଥିଲେ ।