ସମ୍ବଲପୁର: ବୁର୍ଲା VIMSAR ମେଡିକାଲର ସ୍ୟୁକିରିଟି ସଂସ୍ଥାର କର୍ମଚାରୀଙ୍କ ପୋଷାକ ନେଇ ଉପୁଜିଛି ବିବାଦ । ସୁରକ୍ଷାକର୍ମୀମାନେ ଭାରତୀୟ ସେନାର ୟୁନିଫର୍ମ ଭଳି ପୋଷାକ ପରିଧାନ କରିଥିବାରୁ ଏହାକୁ ଭାରତୀୟ ସେନାର ଅବସରପ୍ରାପ୍ତ ସେନା ଅଧିକାରୀମାନେ ବିରୋଧ କରିଛନ୍ତି ।
VIMSARର ସୁରକ୍ଷା ସଂସ୍ଥାର ୟୁନିଫର୍ମକୁ ନେଇ ବିବାଦ, ଭାରତୀୟ ସେନା ପରି ରହିଛି ୟୁନିଫର୍ମ
ଭାରତୀୟ ସେନାର ଅବସରପ୍ରାପ୍ତ ସେନା ଅଧିକାରୀମାନେ ଭିମସାର କର୍ତ୍ତୃପକ୍ଷଙ୍କ ଠାରେ କାର୍ଯ୍ୟାନୁଷ୍ଠାନ ପାଇଁ ମଧ୍ୟ ଦାବି କରିଛନ୍ତି । ଅଖିଳ ଭାରତୀୟ ପୂର୍ବ ସୈନିକ ପରିଷଦର ଜାତୀୟ ସମ୍ପାଦକ କର୍ଣ୍ଣେଲ ପ୍ରଭାତ କୁମାର ପଣ୍ଡାଙ୍କ ନେତୃତ୍ବରେ ବହୁ ପୂର୍ବତନ ସୈନିକ ଭିମସାରର ସୁରକ୍ଷା ସଂସ୍ଥାର କାର୍ଯ୍ୟାଳୟରେ ପହଞ୍ଚି ଏହି ପୋଷାକ ପରିଧାନକୁ ବିରୋଧ କରିଛନ୍ତି । ଏହା ପରେ ଭିମସାର ନିର୍ଦ୍ଦେଶକଙ୍କ କାର୍ଯ୍ୟାଳୟକୁ ଯିବା ସହ ପ୍ରଫେସର ଲଳିତ ମେହେର, ହସ୍ପିଟାଲ ଅଧିକ୍ଷକ ପ୍ରଫେସର ଲାଲମୋହନ ନାୟକ, ପ୍ରଶାସନିକ ଅଧିକାରୀ ସୁବ୍ରତ ନାୟକଙ୍କ ସମ୍ମୁଖରେ ସେନା ପୋଷାକ ପରିଧାନକୁ ନେଇ ପ୍ରତିବାଦ କରିଥିଲେ ।