ଗାଧୋଇବାବେଳେ ମାଡିଆସିଲା ବଢିପାଣି, ଯୁବତୀଙ୍କୁ ଉଦ୍ଧାର କଲା ଅଗ୍ନିଶମ ବିଭାଗ

ମହାନଦୀକୁ ଗାଧୋଇବାକୁ ଯାଇଥିବା ସମୟରେ ଅଘଟଣ । ଗାଧୋଇବା ସମୟରେ ଉପର ମୁଣ୍ଡରୁ ହଠାତ ମାଡିଆସିଲା ବଢିପାଣି । ଅଳ୍ପକେ ବର୍ତ୍ତିଲେ ଯୁବତୀ । ଅଧିକ ପଢନ୍ତୁ...

ସମ୍ବଲପୁର: ମହାନଦୀକୁ ଗାଧେଇବାକୁ ଯାଇଥିବା ସମୟରେ ଅଘଟଣ । ଗାଧୋଇବା ସମୟରେ ଉପର ମୁଣ୍ଡରୁ ହଠାତ ମାଡିଆସିଲା ବଢିପାଣି । ଅଳ୍ପକେ ବର୍ତ୍ତିଲେ ଯୁବତୀ । ନଦୀରେ ବଢିପାଣି ଆସିବାରୁ ଯୁବତୀ ଜଣଙ୍କ ଆଉ ବାହାରକୁ ଆସିନପାରି ନଦୀ ଭିତରେ ଥିବା ଏକ ପଥରରେ ଫସିଯାଇଥିଲେ । ପରେ ସାହାଯ୍ୟ ପାଇଁ ଚିତ୍କାର କରିବାରୁ ସ୍ଥାନୀୟ ଲୋକେ ପୋଲିସ ଓ ଅଗ୍ନିଶମ ବିଭାଗକୁ ସୂଚନା ଦେଇଥିଲେ । ସୂଚନା ପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଯୁବତୀଙ୍କୁ ଉଦ୍ଧାର କରିଛି ।

ତେବେ ଯୁବତୀ ଜଣଙ୍କ ହେଉଛନ୍ତି ପାର୍ବତୀ ସେଠ। ସେ ସମ୍ବଲପୁରରେ ରହି ଏକ ଘରୋଇ ଶିକ୍ଷା ଅନୁଷ୍ଠାନରେ କୋଚିଂ ନେଉଛନ୍ତି। ଆଜି ସମ୍ବଲପୁରର ସମଲେଶ୍ୱରୀ ଘାଟକୁ ଗାଧେଇବାକୁ ଯାଇଥିବା ବେଳେ ଯୁବତୀଙ୍କ ସହ ଏମିତି ଘଟଣା ଘଟିଥିଲା। ଉଦ୍ଧାର କରିବା ପରେ ଯୁବତୀଙ୍କୁ ଚିକିତ୍ସା ପାଇଁ ଡ଼ାକ୍ତରଖାନାକୁ ନିଆଯାଇଛି।

ସମ୍ବଲପୁରରୁ ବାଦଶାହା ଯୁଶ୍ମନ ରଣା, ଇଟିଭି ଭାରତ