ସମ୍ବଲପୁର ଲକ୍ଷ୍ମୀ ଟକିଜ ନିକଟରେ ଅଗ୍ନିକାଣ୍ଡ

ସମ୍ବଲପୁରରେ ବହୁ ଦିନରୁ ପରିତ୍ୟକ୍ତ ହୋଇପଡ଼ିଥିବା ଲକ୍ଷ୍ମୀ ଟକିଜର ପଛପଟେ ଥିବା ଷ୍ଟୋର ରୁମରେ ନିଆଁ ଲାଗିଯାଇଥିବା ଜଣାପଡିଛି   ।

ସମ୍ବଲପୁର: ସମ୍ବଲପୁରରେ ବହୁ ଦିନରୁ ପରିତ୍ୟକ୍ତ ହୋଇ ପଡ଼ିଥିବା ଲକ୍ଷ୍ମୀ ଟକିଜର ପଛପଟେ ଥିବା ଷ୍ଟୋର ରୁମରେ ନିଆଁ ଲାଗିଯାଇଥିବା ଜଣାପଡିଛି । ବୁଧବାର ଅପରାହ୍ନ 1.30 ସମୟରେ କୌଣସି କାରଣବଶତଃ ନିଆଁ ଲାଗିଥିବା ଜଣାପଡ଼ିଛି ।

ସୂଚନା ଅନୁଯାୟୀ, ସମ୍ବଲପୁରର ବହୁ ପୁରାତନ ତଥା ପରିତ୍ୟକ୍ତ ହୋଇ ପଡ଼ିଥିବା ଲକ୍ଷ୍ମୀ ଟକିଜର ପଛପଟେ ଥିବା ଷ୍ଟୋର ରୁମରେ ଅଚାନକ ନିଆଁ ଲାଗିଯାଇଥିଲା । ତେବେ ଷ୍ଟୋର ରୁମ୍ ପାଖରେ ବହୁ ଅଳିଆ ଆବର୍ଜନା ଓ ଶୁଖିଲା ପତ୍ର ପଡ଼ିଥିବାରୁ ନିଆଁ ଲାଗିବା ପରେ ତାହା ଚାରିଆଡକୁ ବ୍ୟାପିଯାଇଥିଲା ।

ଏହାପରେ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେବା ପରେ ଅଗ୍ନିଶମ ବିଭାଗର 2ଟି ଗାଡି ଘଟଣାସ୍ଥଳରେ ପହଁଞ୍ଚି ନିଆଁକୁ ନିୟନ୍ତ୍ରଣ କରିଥିଲେ । ତେବେ ନିଆଁ ଲାଗିବାର ସଠିକ କାରଣ ଜଣାପଡି ନଥିବାବେଳେ ଏହି ଘଟଣାରେ କୌଣସି କ୍ଷୟକ୍ଷତି ହୋଇନଥିବା ଜଣାପଡିଛି ।

ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ