ସମ୍ବଲପୁର: ରେଢ଼ାଖୋଲରେ ହାତୀ ଆତଙ୍କ । ଏକ ହାତୀ ଖାଦ୍ୟ ଅନ୍ବେଷଣରେ ସମ୍ବଲପୁର ଜିଲ୍ଲା ରେଢ଼ାଖୋଲ ରେଞ୍ଜ ଅନ୍ତର୍ଗତ ବଡ଼ମାଲ କୁଂସିପାଣି ଗ୍ରାମକୁ ଚାଲି ଆସିଥିଲା ।
ରେଢ଼ାଖୋଲରେ ହାତୀ ଆତଙ୍କ: ଭାଙ୍ଗିଲା ଘର, କାନ୍ଥ ତଳେ ଚାପି ହୋଇଗଲେ 3
ହାତୀଟି ଗାଁର ଲକ୍ଷପତି ବଗର୍ତ୍ତୀଙ୍କ ଘର ଭିତରକୁ ପଶି ଧାନ ଖାଇବା ପାଇଁ ଚେଷ୍ଟା କରିଥିଲା । ଏହି ସମୟରେ ଘରର କାନ୍ଥ ଭାଙ୍ଗିଯିବା ଫଳରେ କାନ୍ଥ ତଳେ ଲକ୍ଷପତିଙ୍କ ସମେତ ତାଙ୍କ ସ୍ତ୍ରୀ ସବିତା ଏବଂ 2 ବର୍ଷର ଶିଶୁପୁତ୍ର ଚାପି ହୋଇଯାଇଥିଲେ । ଘଟଣା ଘଟିବାର 30 ମିନିଟ ପର୍ଯ୍ୟନ୍ତ ଏହି ପରିବାରର ସମସ୍ତ ସଦସ୍ୟ କାନ୍ଥ ତଳେ ଚାପି ହୋଇ ରହିଯାଇଥିଲେ ।