ସମ୍ବଲପୁର: ଜିଲ୍ଲାର ମହାନଗର ନିଗମର ଡମ୍ପିଂ ୟାର୍ଡରେ ପରିଚାଳନାଗତ ତ୍ରୁଟି ଯୋଗୁଁ 1 ନମ୍ବର ୱାର୍ଡବାସୀ ଅତିଷ୍ଠ ହୋଇପଡିଛନ୍ତି । ଏହି ଅଞ୍ଚଳରେ ସହରର କୁଢ କୁଢ ମଇଳା ଓ ପଶୁଙ୍କ ମୃତଦେହ ପକାଉଥିବାରୁ ଲୋକମାନେ ହଇରାଣ ହେଉଛନ୍ତି । ଏ ସମ୍ପର୍କରେ ମହାନଗର ନିଗମ କମିଶନରଙ୍କ ନିକଟରେ ବାରମ୍ବାର ଅଭିଯୋଗ କରିବା ସତ୍ତ୍ବେ କୌଣସି ସୁଫଳ ମିଳିନଥିବା ଅଭିଯୋଗ ହୋଇଛି ।
ବର୍ଜ୍ୟବସ୍ତୁ ପରିଚାଳନା ଭଲ ଭାବେ ହେଉନଥିବାରୁ ଡମ୍ପିଂ ୟାର୍ଡରୁ ଦୁର୍ଗନ୍ଧ ବାହାରିବା ସହ ଏଠାରୁ ବାହାରୁ ଥିବା ଦୂଷିତ ପାଣି ଗାଁ ପୋଖରୀରେ ମିଶୁଛି । ଏହାଦ୍ବାରା ଗାଁ ଲୋକେ ବିଭିନ୍ନ ସମୟରେ ବିଭିନ୍ନ ପ୍ରକାର ରୋଗର ଶିକାର ହେଉଛନ୍ତି । ଏହାସହ କେତେକ ସମୟରେ ଡମ୍ପିଂ ୟାର୍ଡର ଦୂଷିତ ପାଣି ଓ ଅଳିଆ ଆବର୍ଜନା ମଧ୍ୟ ଗାଁ ଭିତରକୁ ପଶୁଥିବା ଲୋକମାନେ ଅଭିଯୋଗ କରିଛନ୍ତି।
ମହାନଗର ଡ଼ମ୍ପିଙ୍ଗ ୟାର୍ଡରେ ପରିଚାଳନାଗତ ତ୍ରୁଟି, ଅତିଷ୍ଠ 1ନମ୍ବର ୱାର୍ଡବାସୀ