ସମ୍ବଲପୁର: ସମ୍ବଲପୁର ପୋଲିସକୁ ବଡ଼ ସଫଳତା। ୪୧ଟି ମାମଲାରେ ସମ୍ପୃକ୍ତ ଥିବା ସମ୍ବଲପୁରର କୁଖ୍ୟାତ ଅପରାଧୀ ଟିମା ଓରଫ ଧନେଶ୍ୱର ଝାଙ୍କରକୁ ଗିରଫ କରିଛି ପୋଲିସର ସ୍ୱତନ୍ତ୍ର ଟିମ। ସମ୍ବଲପୁର ସଦର ଥାନା ଅନ୍ତର୍ଗତ ରାସନପୁର ଜଙ୍ଗଲରୁ ଟିମା ସହ ତା’ର ଅନ୍ୟ 3 ସହଯୋଗୀ ମଧ୍ୟ ଗିରଫ ହୋଇ କୋର୍ଟ ଚାଲାଣ ହୋଇଛନ୍ତି। ଏନେଇ ସମ୍ବଲପୁର ଏସପି ବାତୁଲା ଗଙ୍ଗାଧର ସୂଚନା ଦେଇଛନ୍ତି।
ହାର୍ଡକୋର କ୍ରିମିନାଲ ଧନେଶ୍ୱର ଝାଙ୍କର ଗିରଫ, ତାଙ୍କ ନାଁରେ ରହିଛି ୪୧ଟି କେସ
ତା ନାଁରେ ସମ୍ବଲପୁର, ଝାରସୁଗୁଡା, ସୁନ୍ଦରଗଡ, ଅନୁଗୋଳ, କେନ୍ଦୁଝର, ଯାଜପୁର, ମୟୂରଭଞ୍ଜ ସମେତ ପଡୋଶୀ ଝାଡ଼ଖଣ୍ଡର ବିଭିନ୍ନ ଥାନାରେ ଡକାୟତି, ହତ୍ୟା ଉଦ୍ୟମ, ଚୋରି ଆଦି ମାମଲା ରହିଛି।