ସମ୍ବଲପୁର: ରେଳଷ୍ଟେସନ ଗୁଡିକର ଏବେ ଚାଲିଛି ଆଧୁନିକରଣ ପ୍ରକ୍ରିୟା । ମୁଖ୍ୟତଃ ଟ୍ରେନ ଯାତ୍ରୀଙ୍କ ସୁରକ୍ଷା ପାଇଁ ମାନବ ସମ୍ବଳ ଓ ସୁରକ୍ଷା ଦୃଷ୍ଟିକୋଣରୁ ଭିତ୍ତିଭୂମିର ବିକାଶ ଉପରେ କେନ୍ଦ୍ର ସରକାର ବିଶେଷ ଗୁରୁତ୍ବ ଦେଉଛନ୍ତି । ତେବେ ଏହି ଆଧୁନିକରଣ ପ୍ରକ୍ରିୟାରେ ସାମିଲ ହୋଇଛି ସମ୍ବଲପୁର ରେଳଷ୍ଟେସନ । ଜିଲ୍ଲାର କ୍ଷେତ୍ରରାଜପୁର ଷ୍ଟେସନରେ ସିସିଟିଭି କ୍ୟାମେରା ଲଗାଯାଇ ସାରିଥିବା ବେଳେ ଆଗକୁ ଅନ୍ୟ ପ୍ରମୁଖ ଷ୍ଟେସନ ଗୁଡିକରେ ମଧ୍ୟ ସିସିଟିଭି ଲଗାଯିବାର ଯୋଜନା ଚାଲିଛି ।
ଭିଡିଓ ସୌଜନ୍ୟ- ସମ୍ବାଦଦାତା, ସମ୍ବଲପୁର
ତେବେ ଏହି ଷ୍ଟେସନର ପ୍ରମୁଖ 16ଟି ସ୍ଥାନରେ ସିସିଟିଭିର ପଇଁତରା ରହିଛି । ପଶ୍ଚିମ ଓଡ଼ିଶାରେ ଏହା ଏକ ପ୍ରମୁଖ ରେଳ ଜଙ୍ଗସନ୍ ହୋଇଥିବାରୁ ଅପରାଧୀ କାର୍ଯ୍ୟକଳାପ ଉପରେ ନଜର ରଖିବାକୁ ଏପରି ପଦକ୍ଷେପ ନିଆଯାଇଛି । ସିସିଟିଭି କଣ୍ଟ୍ରୋଲ ରୁମରୁ ଏକା ସାଙ୍ଗରେ ସମଗ୍ର ଷ୍ଟେସନର ଗତିବିଧି ଉପରେ ନଜର ରଖାଯାଉଛି । ଏହା ଦ୍ବାରା ଅପରାଧୀଙ୍କୁ ସହଜରେ ଟ୍ରାକ କରାଯାଇ ପାରିବ ବୋଲି କୁହାଯାଉଛି ।