ସମ୍ବଲପୁର:ସମ୍ବଲପୁରରେ ସକ୍ରିୟ ଡ୍ରଗସ କସରବାର। ସମ୍ବଲପୁର ସ୍ପେଶିଆଲ ସ୍ବାର୍ଡ ଓ ଟାଉନ ପୋଲିସର ଟିମ ରାତ୍ରୀରେ ସାହୁ କଲୋନୀ ଅଞ୍ଚଳରେ ରେଡ଼ କରି ବ୍ରାଉନ ସୁଗାର ଜବତ କରିଛି। ଏହା ସହ ଡ୍ରଗ୍ସ କାରବାର କରୁଥିବା 3 ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ। ଏନେଇ ସମ୍ବଲପୁର ପୋଲିସ ପକ୍ଷରୁ ସୂଚନା ଦିଆଯାଇଛି।
ଗିରଫ ଅଭିଯୁକ୍ତ ମାନେ ହେଲେ ମୋତିଝରଣର ମହମ୍ମଦ ଆରିଫ, ଚରବାଟି ବିକାଶ ଦୁଡ଼କିଆ ଓ ପଟନାୟକପଡ଼ାର ବଣ୍ଟି ପ୍ରଧାନ ରହିଛନ୍ତି। ଏମାନଙ୍କ ଠାରୁ 7.6 ଗ୍ରାମ ବ୍ରାଉନ ସୁଗର ଜବତ ହୋଇଛି। ଏମାନଙ୍କ ଠାରୁ ବ୍ରାଉନ ସୁଗର ସହ,ନଗଦ 3740 ଟଙ୍କା,3 ଟି ମୋବାଇଲ,2 ଟି ବାଇକ, ଜବତ ହୋଇଛି । ଏହି ଡ୍ରଗ୍ସ ଡିଲର ମାନେ ମୁଖ୍ୟତଃ 15 ରୁ 20 ବର୍ଷ ର ଯୁବପୀଢ଼ି ଙ୍କୁ ଡ୍ରଗ୍ସ ବିକ୍ରି କରୁଥିବା ସୂଚନା ମିଳିଛି। ଅଭିଯୁକ୍ତ ଙ୍କୁ ପୋଲିସ କୋର୍ଟ ଚାଲାଣ କରିଛି।
ସମ୍ବଲପୁରରୁ ବାଦଶାହ ଜୁସ୍ମନ ରାଣା,ଇଟିଭି ଭାରତ