ସମ୍ବଲପୁର: ଅସ୍ଥାୟୀ କାଠ ପୋଲରେ ବିତୁଛି ଜୀବନ । ବିପଦଜନକ ଅବସ୍ଥାରେ ଯାତାୟତ କରୁଛନ୍ତି ଛାତ୍ରଛାତ୍ରୀ । ଏ ହେଉଛି ସ୍ବାଧୀନତାର 73 ବର୍ଷ ପରର ଦୃଶ୍ୟ ।
ଘରୁ ବାହିରି ପିଲାଏ ପାଠ ପଢିବାକୁ ଯାଉଛନ୍ତି । କିନ୍ତୁ ବାଟରେ ଡେଇଁବାକୁ ପଡିବ ମରଣ ଯନ୍ତା । ନହେଲେ ସ୍କୁଲ ଯିବା ଅସମ୍ଭବ । କେନାଲ ଅତିକ୍ରମ କଲେ ପଡେ ସ୍କୁଲ । ଆଉ କେନାଲର ସ୍ଥିତି ଆପଣଙ୍କ ସାମ୍ନାରେ । ଏ ଦୃଶ୍ୟ ହେଉଛି ସମ୍ବଲପୁର ଜିଲ୍ଲା ମାନେଶ୍ବର ବ୍ଲକ ତବଲା ପଞ୍ଚାୟତ ଖୁଲିଆ ଗାଁ କେନାଲପଡାର ।
ବିପଦଜନକ ଅବସ୍ଥାରେ କେନାଲ ଉପରେ ରଖାଯାଇଛି ଅସ୍ଥାୟୀ କାଠ ପୋଲ । ତଳେ 5 ଫୁଟର ପାଣି । ଆଉ ତା ଉପର ରଖାଯାଇଥିବା 2ଟି ଗଛ ଯାହା ଉପରେ ବିପଦ ସଙ୍କୁଳ ଅବସ୍ଥାରେ ପିଲାଏ ଯାଉଛନ୍ତି ସ୍କୁଲ । ତେବେ ଏ ଦୃଶ୍ୟ ଆଜି କିମ୍ବା କାଲିର ନୁହେଁ ଦୀର୍ଘ ଦିନ ହେବ ଏପରି ସ୍ଥିତିରେ ବିଦ୍ୟାଳୟ ଯାଉଛନ୍ତି ଛାତ୍ରଛାତ୍ରୀ ।