ସମ୍ବଲପୁର: ଜିଲ୍ଲାରେ ବେଆଇନ ଭାବେ ଚାଲିଥିବା ଗୋହତ୍ୟା ଓ ଗୋଚାଲାଣ ବନ୍ଦ ଦାବିରେ ଆଜି ସମ୍ବଲପୁର ଜିଲ୍ଲା ବିଜେପି ପକ୍ଷରୁ ସମ୍ବଲପୁର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ପ୍ରଦର୍ଶନ କରାଯିବା ସହ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଛି ।
ସମ୍ବଲପୁରରେ ଗୋହତ୍ୟା ଓ ଚାଲାଣ ରୋକିବାକୁ ବିଜେପିର ଦାବିପତ୍ର
ବିଜେପି କରିଥିବା ଅଭିଯୋଗ ଅନୁସାରେ ସହର ଧନୁପାଲି ଥାନା ଅଞ୍ଚଳରେ ବେଆଇନ ଭାବେ ଗୋହତ୍ୟା ଓ ଗୋଚାଲାଣ ଚାଲିଛି । ପ୍ରତ୍ୟେକ ଦିନ ସହରର ଏକ ନିର୍ଦ୍ଦିଷ୍ଟ ଅଞ୍ଚଳରେ ନିୟମିତ ଗୋହତ୍ୟା କରାଯାଉଛି । ବାରମ୍ବାର ଦାବି ଓ ଅଭିଯୋଗ ସତ୍ତ୍ବେ ମଧ୍ୟ ଏହି ପ୍ରସଙ୍ଗକୁ ଜିଲ୍ଲା ପ୍ରଶାସନ ଗୁରୁତ୍ବ ଦେଉନଥିବା ଅଭିଯୋଗ କରିଛି ଦଳ । ଏହିପରି ସ୍ଥିତି ଜାରି ରହିଲେ ଆଗାମୀ ଦିନରେ ଅପ୍ରୀତିକର ପରିବେଶ ସୃଷ୍ଟି ହେବ ବୋଲି ଚେତାବନୀ ଦେଇଛି ଦଳ ।