ସମ୍ବଲପୁର: ହୀରାକୁଦ ଡ୍ୟାମର ଆଉ ଗୋଟିଏ ଗେଟ ବନ୍ଦ। ଗତ କିଛି ଦିନ ହେଲା 2ଟି ଗେଟ ଦେଇ ବନ୍ୟା ଜଳ ନିଷ୍କାସନ ହେଉଛି । ହୀରାକୁଦର ଉପର ମୁଣ୍ଡରେ ବର୍ଷାର ପରିମାଣ କମ ଥିବାରୁ ଆଉ ଗୋଟେ ଗେଟକୁ ବନ୍ଦ କରିଦିଆଯାଇଛି। ଫଳରେ ବର୍ତ୍ତମାନ ମାତ୍ର ଗୋଟିଏ ଗେଟ ଦେଇ ଜଳ ନିଷ୍କାସନ ଜାରି ରହିଛି।
ବର୍ତ୍ତମାନ ହୀରାକୁଦର ଜଳସ୍ତର ଏହାର ସର୍ବୋଚ୍ଚ ଜଳଧାରଣ କ୍ଷମତା 630 ଫୁଟରେ ରହିଛି। ଏହି ସମୟରେ ହୀରାକୁଦର ଉପର ମୁଣ୍ଡରୁ ସେକେଣ୍ଡ ପ୍ରତି 38,077 କ୍ୟୁସେକ ଜଳ ପ୍ରବେଶ କରୁଛି । ସେହିଭିଳି ସମ ପରିମାଣର 38,077 କ୍ୟୁସେକ ବନ୍ୟାଜଳ ଡ୍ୟାମରୁ ଗୋଟିଏ ଗେଟ ଓ ପାୱାର ଚେନାଲ ଦେଇ ନିଷ୍କାସିତ ହେଉଛି । ଆଗକୁ ଉପର ମୁଣ୍ଡର ପାଣିପାଗ ଓ ବର୍ଷାକୁ ଦେଖି ଡ୍ୟାମର ଜଳ ପରିଚାଳନା କରାଯିବ ବୋଲି କୁହାଯାଇଛି।
ସମ୍ବଲପୁରରୁ ବାଦଶାହ ଜୁସ୍ମନ କୁମାର ରାଣା, ଇଟିଭି ଭାରତ