ସମ୍ବଲପୁର: ଗୁଜରାଟ କୋଚିଙ୍ଗ ସେଣ୍ଟରରେ ଅଗ୍ନିକାଣ୍ଡ ପରେ ସମଗ୍ର ରାଜ୍ୟରେ ବିଭିନ୍ନ କୋଚିଙ୍ଗ ସେଣ୍ଟର ଗୁଡିକର ଅଗ୍ନି ନିରାପତ୍ତା ବ୍ୟବସ୍ଥା ନେଇ ପ୍ରଶ୍ନ ଉଠିଥିଲା ଏବଂ ଏହା ସ୍ୱାଭାବିକ ମଧ୍ୟ । କାହିଁକି ନା ଶହ ଶହ ଛାତ୍ରଛାତ୍ରୀ ନିଜର ଭବିଷ୍ୟତ ଗଠନ ପାଇଁ ଏହି ସ୍ଥାନକୁ ଆସନ୍ତି ପାଠ ପଢ଼ିବା ପାଇଁ । ଏମାନଙ୍କୁ ଅଗ୍ନିକାଣ୍ଡର ଭୟାବହତା, ସୁରକ୍ଷା, ପ୍ରତିଷେଧକ ବ୍ୟବସ୍ଥା ଜାଣିବା ନିହାତି ଆବଶ୍ୟକ। ଏହି ପରିପ୍ରେକ୍ଷୀରେ ଶନିବାର ସମ୍ବଲପୁର ସହର ମଧ୍ୟରେ ଥିବା ସମସ୍ତ କୋଚିଙ୍ଗ ସେଣ୍ଟରରେ ଅଗ୍ନିଶମ ବିଭାଗ ପକ୍ଷରୁ ଅଗ୍ନି ସୁରକ୍ଷା ବ୍ୟବସ୍ଥା ଯାଞ୍ଚ କରାଯିବା ସହ ଛାତ୍ରଛାତ୍ରୀଙ୍କୁ ଅଗ୍ନି ନିରାପତ୍ତା ବ୍ୟବସ୍ଥା ନେଇ ସଚେତନ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର