ପୂର୍ବ ଶତୃତାକୁ କେନ୍ଦ୍ର କରି ଦୁଇ ଗୋଷ୍ଠୀ ମୁହାମୁହିଁ

ପୂର୍ବ ଶତ୍ରୁତା ଓ ରାଜନୈତିକ ଆଲୋଚନାକୁ କେନ୍ଦ୍ରକରି ଦୁଇ ଗୋଷ୍ଠୀ ଭିତରେ ଗଣ୍ଡଗୋଳ ଘଟିଥିଲା । ଯାହାଫଳରେ ଦୁଇ ଗୋଷ୍ଠୀ ମଧ୍ୟରେ 2 ରାଉଣ୍ଡ ଗୁଳି ଚାଳନା ହୋଇଥିଲା । ଏଥିରେ ଅମର ବାରିକ ନାମକ ଯୁବକଙ୍କ ଜଙ୍ଘର ଗୁଳି ବାଜି ସେ ଆହତ ହୋଇଥିଲେ ।

ସମ୍ବଲପୁର: ପୂର୍ବ ଶତୃତାକୁ କେନ୍ଦ୍ର କରି ଦୁଇ ଗୋଷ୍ଠୀ ମୁହାମୁହିଁ ହୋଇଛନ୍ତି । ଏଭଳି ଘଟଣା ଘଟିଛି ସମ୍ବଲପୁର ଜିଲ୍ଲା ରେଙ୍ଗାଲି ଥାନା ଅନ୍ତର୍ଗତ ମହାବୀର ଛକରେ ।

ସୂଚନା ଅନୁଯାୟୀ, ଶୁକ୍ରବାର ପୂର୍ବ ଶତ୍ରୁତା ଓ ରାଜନୈତିକ ଆଲୋଚନାକୁ କେନ୍ଦ୍ରକରି ଦୁଇ ଗୋଷ୍ଠୀ ଭିତରେ ଗଣ୍ଡଗୋଳ ଘଟିଥିଲା । ଯାହାଫଳରେ ଦୁଇ ଗୋଷ୍ଠୀ ମଧ୍ୟରେ 2 ରାଉଣ୍ଡ ଗୁଳି ଚାଳନା ହୋଇଥିଲା । ଏଥିରେ ଅମର ବାରିକ ନାମକ ଯୁବକଙ୍କ ଜଙ୍ଘର ଗୁଳି ବାଜିଥିଲା ।

ତେବେ ତାଙ୍କୁ ଆହତ ଅବସ୍ଥାରେ ବୁର୍ଲା ବଡ଼ ମେଡ଼ିକାଲରେ ଭର୍ତ୍ତି କରାଯାଇଥିଲା । ତେବେ ଖବର ପାଇ ରେଙ୍ଗାଲି ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିବା ବେଳେ ତେବେ ଗୁଳି ଚାଳନା କରିଥିବା ଯୁବକ ଟିଙ୍କୁ ଚୌହାନ ଘଟଣାସ୍ଥଳରୁ ଫେରାର ହୋଇଥିବା ସୂଚନା ମିଳିଛି ।

ସମ୍ବଲପୁରରୁ ବାଦଶାହ ଜୁସମନ ରାଣା, ଇଟିଭି ଭାରତ