ରାୟଗଡା ଜିଲ୍ଲାରେ ଗୁଞ୍ଜରିଲା ‘ବନ୍ଦେ ଉତ୍କଳ ଜନନୀ’

ବନ୍ଦେ ଉତ୍କଳ ଜନନୀ ସ୍ବରରେ ଗୁଞ୍ଜରିତ ହେଲା ସାରା ରାୟଗଡା ଜିଲ୍ଳା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କୋରୋନା ଯୋଦ୍ଧାଙ୍କ ସମ୍ମାନାର୍ଥେ ବନ୍ଦେ ଉତ୍କଳ ଜନନୀ ଗାନର ଡାକରା ଦେଇଥିବା ବେଳେ ଏହାକୁ ସ୍ବାଗତ କରିଛନ୍ତି ରାଜ୍ୟବାସୀ ।

ରାୟଗଡା: 'ବନ୍ଦେ ଉତ୍କଳ ଜନନୀ' ସ୍ବରରେ ଗୁଞ୍ଜରିତ ହେଲା ସାରା ରାୟଗଡା ଜିଲ୍ଳା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କୋରୋନା ଯୋଦ୍ଧାଙ୍କ ସମ୍ମାନାର୍ଥେ ବନ୍ଦେ ଉତ୍କଳ ଜନନୀ ଗାନର ଡାକରା ଦେଇଥିବା ବେଳେ ଏହାକୁ ସ୍ବାଗତ କରିଛନ୍ତି ରାଜ୍ୟବାସୀ । ସନ୍ଧ୍ୟା 5ଟା 30 ହେବା ମାତ୍ରେ ଏହାର ଝଲକ ରାୟଗଡା ଜିଲ୍ଲାରେ ମଧ୍ୟ ଦେଖିବାକୁ ମିଳିଥିଲା । ରାଜ୍ୟ ସରକାରଙ୍କ ଆହ୍ବାନକ୍ରମେ ସରକାରୀ ଅଧିକାରୀଙ୍କଠାରୁ ଆରମ୍ଭ କରି ରାଜନେତା, ସାଧାରଣ ଲୋକେ ଏପରିକି ନିୟମଗିରିର ଆଦିମ ଜନଜାତି ଡଙ୍ଗରିଆ ମଧ୍ୟ ଏଥିରୁ ବାଦ୍ ପଡିନଥିଲେ ।

ଜିଲ୍ଲା ମୁଖ୍ୟାଳୟରେ ମନ୍ତ୍ରୀ ଜଗନ୍ନାଥ ସାରକା, ରାୟଗଡା ବିଧାୟକ ମକରନ୍ଦ ମୁଦୁଲିଙ୍କ ସମେତ ଜିଲ୍ଲାପାଳ, ଏସ୍‌ପିଙ୍କ କାର୍ଯ୍ୟାଳୟରେ ଏସ୍‌ପି ଏବଂ ରାଜରାସ୍ତାରେ ସାଧାରଣ ଲୋକେ ବନ୍ଦେ ଉତ୍କଳ ଜନନୀ ଗାନ କରିଥିଲେ । ସେହିପରି ହୋମ କ୍ବାରେନଣ୍ଟାଇନରେ ରହି କୋରାପୁଟ ଲୋକସଭା ସାଂସଦ ସପ୍ତଗିରି ଉଲାକା ନିଜ ପତ୍ନୀଙ୍କ ସହ ବନ୍ଦେ ଉତ୍କଳ ଜନନୀ ଗାନ କରିଥିବା ଦେଖିବାକୁ ମିଳିଥିଲା ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ