ରାୟଗଡା: ଜିଲ୍ଲାରେ ଜନ ଆଶୀର୍ବାଦ ଯାତ୍ରା ପାଇଁ ଆଉ ଦିନକ ପରେ ରାୟଗଡା ଗସ୍ତରେ ଆସିବେ କେନ୍ଦ୍ର ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ । ଏନେଇ ଆଜି(ବୁଧବାର) ରାୟଗଡା ରେଳ ଷ୍ଟେସନ ଠାରେ ସ୍ଥିର ହୋଇଛି । ଭୁବନେଶ୍ବରରୁ ହୀରାଖଣ୍ଡ ଟ୍ରେନ୍ ଯୋଗେ କେନ୍ଦ୍ର ମନ୍ତ୍ରୀ ଅଶ୍ବିନୀ ବୈଷ୍ଣବ 20 ତାରିଖ ଭୋରରୁ ପହଞ୍ଚିବା ପରେ ସର୍କିଟ ହାଉସ ପରିସରରେ ବିଶ୍ରାମ ନେଇ ରାୟଗଡାର ଅଧିଷ୍ଠାତ୍ରୀ ଦେବୀ ମଝିଘରିଆଣୀଙ୍କୁ ଦର୍ଶନ କରିବେ ।
ରାୟଗଡା ଗସ୍ତରେ ଆସୁଛନ୍ତି କେନ୍ଦ୍ର ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ
ପରେ ପୂର୍ବାହ୍ନ 10ରୁ 11ଟା ମଧ୍ୟରେ ଏକ ସମ୍ବର୍ଦ୍ଧନା ସଭାରେ ଯୋଗଦେବା ସହ ସାମ୍ବାଦିକଙ୍କ ଆଗରେ ଜନ ଆଶୀର୍ବାଦ ଯାତ୍ରା ସଂକ୍ରାନ୍ତରେ ସୂଚନା ଦେବେ । ପରେ ରାୟଗଡା ସଦର ବ୍ଲକର ଗୁମ୍ମା ଗ୍ରାମରେ ଉଜ୍ବଳା ଯୋଜନାରେ ଅନ୍ତର୍ଭୁକ୍ତ ହୋଇଥିବା ହିତାଧିକାରୀଙ୍କୁ ସାକ୍ଷାତ କରିବା ସହ ଆଦିବାସୀ ମୋର୍ଚ୍ଚା ପକ୍ଷରୁ କୁମ୍ବିକୋଟା ଗ୍ରାମରେ ମନ୍ତ୍ରୀଙ୍କୁ ସମ୍ବର୍ଦ୍ଧନା ଦିଆଯିବ ।