ରାୟଗଡା: ଅଶୁଭ ସୋମବାର । ରାୟଗଡା ପାଇଁ ଆଜି ଥିଲା ଦୁର୍ଘଟଣାର ଦିନ । କାରଣ ଗୋଟିଏ ଦିନରେ ଦୁଇ ଦୁଇଟା ସଡକ ଦୁର୍ଘଟଣା । ପ୍ରଥମଟି ରାୟଗଡା ଜିଲ୍ଲା ସେସଖାଲ ଥାନା ଅନ୍ତର୍ଗତ ପାରତାପୁର ଘାଟିରେ ଭୋର ସମୟରେ ଘଟିଥିବା ବେଳେ କେରଡା ନିକଟରେ ଭାରସାମ୍ୟ ହରାଇ କୋଇଲା ବୋଝେଇ ଟ୍ରକଟି ଓଲଟି ପଡିଥିଲା । ତେବେ ଏଥିରେ କେହି ଆହତ ହୋଇନଥିବା ବେଳେ ମଝିଘରିଆଣି ମନ୍ଦିର ନିକଟରେ ଟ୍ରକ ଟ୍ରକ ମଧ୍ୟରେ ଧକ୍କା ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା ରାୟଗଡା
ସୂଚନା ମୁତାବକ, ପାରତାପୁର ନିକଟରେ ଆଜି ଭୋର ସମୟରେ ବିଶାଖାପାଟଣା ଠାରୁ ରାୟଗଡା ଅଭିମୁଖେ ଏକ କୋଇଲା ବୋଝେଇ ଟ୍ରକ୍ ଆସୁଥିବାବେଳେ ରାୟଗଡା ଠାରୁ ୧୫ କିମି ଦୂରରେ ଥିବା ପାରତାପୁର ଗଡାଣିଠାରେ ଭାରସାମ୍ୟ ହରାଇ ଗଛ ସହିତ ବାଡେଇ ହୋଇଥିଲ। ।