ଟ୍ରେନ ଧକ୍କାରେ ଛାତ୍ରୀ ମୃତ

ରାୟଗଡା ଜିଲ୍ଲା ମୁନିଗୁଡା ରେଳ ଷ୍ଟେସନରେ ଅଘଟଣ । 10ମ ସ୍କୁଲ ଛାତ୍ରୀ ରାସ୍ତାପାର ହେଉଥିଲା ବେଳେ ଚଢିଗଲା ଟ୍ରେନ । ପୋଲିସର ତଦନ୍ତ ଜାରି ।

ରାୟଗଡା: ଜିଲ୍ଲାର ମୁନିଗୁଡା ରେଳ ଷ୍ଟେସନ ନିକଟସ୍ଥ ପାତ୍ରଗୁଡାଠାରେ ଦୁର୍ଘଟଣା। ରେଳ ଲାଇନ ପାର ହେଉଥିବା ସମୟରେ ଜଣେ 10ମ ଶ୍ରେଣୀ ଛାତ୍ରୀଙ୍କୁ ଟ୍ରେନ ଧକ୍କା ଦେଇଥିଲା। ଫଳରେ ଛାତ୍ରୀଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି ।

ସୂଚନାନୁଯାୟୀ, ମୃତ ଛାତ୍ରୀ ଜଣକ ହେଲେ କୁଦୁଲିମା ଗାଁର ନନ୍ଦିତା କୁଣ୍ଡୁ । ନନ୍ଦିତା ସ୍କୁଲ ଯିବା ପାଇଁ ରାସ୍ତା ପାର ହେଉଥିବା ସମୟରେ ଏକ ମାଲ ବୋଝେଇ ଟ୍ରେନ ତାଙ୍କୁ ଧକ୍କା ଦେଇଥିଲା । ଖବରପାଇ ଘଟଣା ସ୍ଥଳରେ ମୁନିଗୁଡା ରେଳବାଇ ପୋଲିସ ପହଞ୍ଚି ମୃତ ଶରୀରକୁ ଜବତ କରି ତଦନ୍ତ ଜାରି ରଖିଛି ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ