ରାୟଗଡା: ସ୍କୁଲରେ ଭଲ ପାଠ ପଢୁଥିବା ଜଣେ ମେଧାବୀ ଛାତ୍ରୀଙ୍କ ଉପରେ ରାଗ ରଖି କିଛି ଦୁର୍ବୃତ୍ତ ବହିପତ୍ର ପୋଡି ଦେଇଥିବା ଅଭିଯୋଗ ହୋଇଛି। ଏଭଳି ଘଟଣା ଦେଖିବାକୁ ମିଳିଛି ରାୟଗଡା ଜିଲ୍ଲା ଚାନ୍ଦିଲି ଥାନା ଅଧିନସ୍ଥ ସିଙ୍ଗାପୁର ରୋଡ ଅଞ୍ଚଳରେ। ଉକ୍ତ ଛାତ୍ରୀଙ୍କ ନାଁ ପୁଲକ୍ ପ୍ରସାଦ। ସେ ରାୟଗଡାର ଏକ ଘରୋଇ ସ୍କୁଲରେ 10ମ ଶ୍ରେଣୀରେ ପଢନ୍ତି।
ଏନେଇ ହୋଇଥିବା ଅଭିଯୋଗ ଅନୁସାରେ, ସକାଳ ୮ଟା ସମୟରେ ପୁଲକଙ୍କ ବାପା-ମା' ଘରେ ନଥିବାବେଳେ 3ଜଣ ମୁଖାପିନ୍ଧା ଦୁର୍ବୃତ୍ତ ତାଙ୍କ ଘରେ ପଶିଥିଲେ। ସେମାନେ ପୁଲକଙ୍କ ବେକରେ ଛୁରୀ ଲଗାଇ ମାରଧର କରିଥିଲେ। ଏହାପରେ ତାଙ୍କର ସମସ୍ତ ପାଠ୍ୟପୁସ୍ତକ, ଖାତାବହିକୁ ପୋଡି ଦେବା ସହ ଘରେ ଲାଗିଥିବା ସିସିଟିଭି ମଧ୍ୟ ଭାଙ୍ଗି ଦେଇଛନ୍ତି ।
ମେଧାବୀ ଛାତ୍ରୀଙ୍କୁ ଧମକ ଅଭିଯୋଗ