ରାୟଗଡା: ଏଠାରେ ପ୍ରଚଳିତ ଏକ ନିଆରା ପରମ୍ପରା । ଏଠି ଶିବଙ୍କ ପୂଜକ ଅଟନ୍ତି ଆଦିବାସୀ ସମ୍ପ୍ରଦାୟ । ବ୍ରାହ୍ମଣ ନୁହଁନ୍ତି ବଂର ଶିବଙ୍କୁ ପୂଜା କରନ୍ତି ଆଦିବାସୀ ସମ୍ପ୍ରଦାୟ । କାହିଁ କେଉଁ ଆବହମାନ କାଳରୁ ଏହି ପରମ୍ପରା ଚାଲି ଆସିଛି ରାୟଗଡ଼ା ଜିଲ୍ଲାର ପେରି ଗାଁରେ ।
ପେରି ଗାଁର ସ୍ବୟଂଭୁ ଶମ୍ଭୁ ଗୁମ୍ପା: ପୂଜକ ଆଦିବାସୀ ସମ୍ପ୍ରଦାୟ
ଜିଲ୍ଲା ସଦର ମହକୁମାରୁ ପେରି ଗାଁର ଦୂରତା ୧୨ କିଲୋମିଟର । ହେଲେ ଆଜିମଧ୍ୟ ଏହି ଗାଁ ବିକାଶ ଠାରୁ ଅନେକ ଦୂରରେ । କେଉଁ ଆବାହମାନ କାଳରୁ ସ୍ବୟଂଭୁ ଶମ୍ଭୁ ଏକ ଗୁମ୍ପା ମଧ୍ୟରେ ପୂଜା ପାଇ ଆସୁଛନ୍ତି । ମାତ୍ର ଏହା ଲୋକଲୋଚନକୁ ଆସିପାରୁ ନଥିଲା । ବିଗତ କିଛି ବର୍ଷ ଧରି ଧିରେ ଧିରେ ଏହି ଗୁପ୍ତ ଶୈବ ପିଠ ଲୋକ ଲୋଚନକୁ ଆସିପାରିଛି ।