ରାୟଗଡା: ନିଆରା ଢଙ୍ଗରେ ପାଳନ ହେଲା ରାୟଗଡାରେ ସପ୍ତପୁରୀ ଅମାବାସ୍ୟା । କୃଷିଭିତ୍ତିକ ପର୍ବକୁ ବେଶ ନିରାଡମ୍ବରରେ ପାଳିତ ହୋଇଛି । ଏଥିପାଇଁ ରାୟଗଡା ଜିଲ୍ଲାର ପୁରପଲ୍ଲୀ ଚଳଚଞ୍ଚଳ ହୋଇ ଉଠିଥିଲା । ପୁରାତନ ପରମ୍ପରାକୁ ମନେ ପକାଇ ଘରେ ଘରେ ଚାଲିଥିଲା ପୂଜାର୍ଚ୍ଚନା ।
ପୌରାଣିକ କଥାବସ୍ତୁ ଅନୁଯାଇ ସପ୍ତପୁରୀ ଅମାବାସ୍ୟାରେ ଗିରିଗୋବର୍ଦ୍ଧନ ଉଠାଇ ଶ୍ରୀକୃଷ୍ଣ ଗୋପପୁରକୁ ରକ୍ଷା କରିଥିବା ବେଳେ ଇନ୍ଦ୍ରଙ୍କ ଉଦ୍ଦେଶ୍ୟରେ ଏହି ପୂଜା କରାଯାଏ । ଏହି ଉତ୍ସବର ବିଶେଷ ମହତ୍ୱ ରହିଛି ଛୋଟ ଛୋଟ ପିଲାମାନଙ୍କର ମାଟି ବଳଦ ସହ କଣ୍ଢେଇ ଖେଳ । ପରମ୍ପରା ଅନୁଯାୟୀ ପ୍ରତ୍ୟେକଙ୍କ ଘରେ ପୂଜା ପାଇଥାନ୍ତି ମାଟି ତିଆରି ଛୋଟ ଛୋଟ ଖେଳନା ମାଟିହାଣ୍ଡି ଓ ତା ସାଙ୍ଗକୁ ମାଟି ବଳଦ । ବିଭିନ୍ନ ପ୍ରକାର ପିଠାପଣା ସାଙ୍ଗକୁ ଲିଆ, ଉଖୁଡା ଆଦିକୁ ମାଟି ପାତ୍ରରେ ଭରି ଇନ୍ଦ୍ରଙ୍କ ନିକଟରେ ପୂଜାର୍ଚ୍ଚନା କରାଯିବା ପରେ ପିଲାମାନଙ୍କୁ ଖେଳିବାକୁ ଦିଆଯାଇଥାଏ ।
ନିଆରା ଢଙ୍ଗରେ ପାଳିତ ହୋଇଛି ରାୟଗଡାରେ ସପ୍ତପୁରୀ ଅମାବାସ୍ୟା