ରାୟଗଡା: ସମଲେଶ୍ୱରୀ ଏକ୍ସପ୍ରେସର ଇଞ୍ଜିନ ଦୁର୍ଘଟଣାର ଦ୍ୱିତୀୟ ପର୍ଯ୍ୟାୟ ତଦନ୍ତ ଆରମ୍ଭ ହୋଇଛି । ବିଶାଖାପାଟଣା ଡିଭିଜନର ଅତିରିକ୍ତ ଡିଆରଏମ ଅକ୍ଷୟ କୁମାର ସକ୍ସେନାଙ୍କ ନେତୃତ୍ୱରେ ଗୁରୁବାର ଏହି ତଦନ୍ତ ଆରମ୍ଭ ହୋଇଛି ।
ଗୁରୁବାର ଡିଆରଏମ ଅକ୍ଷୟ କୁମାର ସକ୍ସେନାଙ୍କ ୮ ଜଣିଆ ଟିମ ସିଙ୍ଗାପୁର ରୋଡ ଷ୍ଟେସନ, ଦୁର୍ଘଟଣାସ୍ଥଳ ଏବଂ କେଉଟଗୁଡା ଷ୍ଟେସନକୁ ଯାଇ ଏହି ତଦନ୍ତ ଆରମ୍ଭ କରିଛନ୍ତି । ଏଥିସହ ଦୁର୍ଘଟଣାରେ ଜଳିଯାଇଥିବା ଦୁଇଟି ଇଞ୍ଜିନ, କ୍ଷତିଗ୍ରସ୍ଥ ବଗିକୁ ଅନୁଧ୍ୟାନ କରିଛନ୍ତି ।
ଏପଟେ ବିଶାଖାପାଟଣା ଡିଭିଜନର ବରିଷ୍ଠ ଡିଭିଜନାଲ ବିଦ୍ୟୁତ ଇଞ୍ଜିନିୟର ଭି.ଏଚ.ଏମ ପାତ୍ର, ଡିଏସଓ ଆର.ସି ସାହୁ, ବରିଷ୍ଠ ଡିଭିଜନାଲ ଇଞ୍ଜିନିୟର ଏମ.ଡାଭିଡ଼, ବରିଷ୍ଠ ଡିଓଏମ ଏନ.ଏନ ସିଂ ବୈଷୟିକ ବିଶେଷଜ୍ଞ ପ୍ରମୁଖ ଘଟଣାର ଟିକିନିଖି ନୀରିକ୍ଷଣ କରିଥିଲେ ।
ଭିଡିଓ ସୌଜନ୍ୟ:ସମ୍ବାଦଦାତା, ରାୟଗଡା