ରାୟଗଡ଼ା: ବହୁ ଚର୍ଚ୍ଚିତ ଇତିଶ୍ରୀ ହତ୍ୟାକାଣ୍ଡ । ଘଟଣାରେ ଯବନିକା ପଡିଛି ସତ, ହେଲେ ଆଜି ବି ଏହି ହତ୍ୟାକାଣ୍ଡ ଏକ ଅସମାହିତ ପ୍ରଶ୍ନ ଘେରରେ ରହିଛି । ତେବେ ଏହି ଘଟଣାକୁ 6 ବର୍ଷ ପୁରୁଛି ।
ଇତିଶ୍ରୀ ପ୍ରଧାନ ହତ୍ୟାକାଣ୍ଡ ଏକ ଅସମାହିତ ପ୍ରଶ୍ନ
ଅନେକ ସ୍ବପ୍ନ ନେଇ ଇତିଶ୍ରୀ କେନ୍ଦ୍ରାପଡାରୁ ଚାଲିଆସିଥିଲେ ରାୟଗଡାର ଟିକିରିକୁ । ଶିକ୍ଷୟତ୍ରୀ ଭାବେ ଜୀବନର ଏକ ନୂଆ ଅଧ୍ୟାୟ ଆରମ୍ଭ କରିବାକୁ ଯାଉଥିଲେ ସେ । ହେଲେ 2013 ଅକ୍ଟୋବର 27 ତାରିଖ ରାତିରେ ସ୍କୁଲ ପରିସରରେ କେହି ଜଣେ ଅଜଣା ନୀଳ ଜିନ୍ସ ପ୍ୟାଣ୍ଟ ପିନ୍ଧା ଯୁବକ ତାଙ୍କ ଉପରେ କିରୋସିନି ଢାଳି ନିଆଁ ଲଗାଇ ଦେଇଥିଲେ । ଆଉ ଗୁରୁତର ଅବସ୍ଥାରେ ଇତିଶ୍ରୀକୁ ପ୍ରଥମେ ଟିକିରି ପରେ ରାୟଗଡା ଓ ଶେଷରେ ବିଶାଖାପାଟନମ ସ୍ଥାନାନ୍ତର କରାଯାଇଥିଲା । ବିଶାଖାପାଟନମର ଏକ ଘରୋଇ ହସ୍ପିଟାଲରେ ମୃତ୍ୟୁ ସହ ସଂଗ୍ରାମ କରି ଶେଷରେ ନଭେମ୍ବର 1ରେ ତାଙ୍କର ମୃତ୍ୟୁ ହୋଇଥିଲା ।