ରାୟଗଡା: ଆଉ ମାତ୍ର ଗୋଟିଏ ଦିନ ପରେ ଆରମ୍ଭ ହେବ ପ୍ରାର୍ଥୀଙ୍କର ଭାଗ୍ୟ ନିର୍ଣ୍ଣୟ । ଗୁରୁବାର ହେବାକୁ ଥିବା ପ୍ରଥମ ପର୍ଯ୍ୟାୟ ମତଦାନ ପାଇଁ ଆରମ୍ଭ ହୋଇଛି ପ୍ରସ୍ତୁତି ପର୍ବ । ମଙ୍ଗଳବାର ସମସ୍ତ ପ୍ରଚାର ଶେଷ ହେବାକୁ ଥିବାବେଳେ ଗୁରୁବାରର ପ୍ରଥମ ପର୍ଯ୍ୟାୟ ମତଦାନ ପାଇଁ ବିଭିନ୍ନ ପୁଲିଂ ବୁଥିଂରେ ଆରମ୍ଭ ହୋଇଛି ପ୍ରସ୍ତୁତି । ଏନେଇ ଭୋଟକେନ୍ଦ୍ର ଅଭିମୁଖେ ବାହାରିଛନ୍ତି ପୁଲିଂ ଅଧିକାରୀ ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ଜିଲ୍ଲାର ରାୟଗଡା, ବିଷମକଟକ ଓ ଗୁଣପୁର ବିଧାନସଭା ଆସନ ପାଇଁ ଗୁରୁବାର ଭୋଟ ଗ୍ରହଣର କାର୍ଯ୍ୟକ୍ରମ ରହିଛି । ଚଳିତ ନିର୍ବାଚନରେ ଜିଲ୍ଲାର 6 ଲକ୍ଷ 59ହଜାର 422ଜଣ ଭୋଟର ଭାଗ ନେବାର ସୂଚନା ରହିଛି । ସେହିପରି ପ୍ରଥମ ଥର ପାଇଁ 184 ଜଣ କିନ୍ନର ମଧ୍ୟ ମତଦାନ କରିବାର ସୂଚନା ରହିଛି ।