କୋରୋନା ଯୁଦ୍ଧରେ ପୋଲିସ ଚିହ୍ନିଲା ପେଟର ଭୋକ

କୋରୋନାକୁ ନେଇ ସାରା ବିଶ୍ବରେ ଯୁଦ୍ଧଂଦେହି ଡାକରା ଦିଆଯାଇଥିବାବେଳେ ଏଥିରେ ପୋଲିସର ଭୂମିକା ଗୁରୁତ୍ବପୂର୍ଣ୍ଣ ରହିଛି । ରାୟଗଡା ଟାଉନ ପୋଲିସ ଜିଲ୍ଲାର ଦୁର୍ଗମ ଅଞ୍ଚଳରେ ବସବାସ କରୁଥିବା ଅଧିବାସୀଙ୍କ ପେଟର ଭୋକକୁ ଚିହ୍ନି ରାସନ ଯୋଗାଇ ଦେଇ ଲୋକଙ୍କ ପାଖରେ ବିଶ୍ବାସଭାଜନ ହୋଇପାରିଛି । ଅଧିକ ପଢନ୍ତୁ...

ରାୟଗଡା: କୋରୋନାକୁ ନେଇ ସାରା ବିଶ୍ବରେ ଯୁଦ୍ଧଂଦେହି ଡାକରା ଦିଆଯାଇଥିବାବେଳେ ଏଥିରେ ପୋଲିସର ଭୂମିକା ଗୁରୁତ୍ବପୂର୍ଣ୍ଣ ରହିଛି । ଖରାବର୍ଷା ଶୀତ କାକରରେ ଜନସଚେତନତା ସାଙ୍ଗକୁ ସାମାଜିକ ଦୂରତା, ମାସ୍କ ପରିଧାନ ଏବଂ ଲକଡାଉନ ନିୟମ ମାନି ଲୋକେ କିଭଳି ଘରେ ରହିବେ ସେଥିପାଇଁ ପୋଲିସ ଅହରହ କାମ କରୁଛି ।

ତେବେ ଏଥିରୁ ଟିକିଏ ସମୟ ବାହାର କରି ରାୟଗଡା ଟାଉନ ପୋଲିସ ଜିଲ୍ଲାର ଦୁର୍ଗମ ଅଞ୍ଚଳରେ ବସବାସ କରୁଥିବା ଅଧିବାସୀଙ୍କ ପେଟର ଭୋକକୁ ଚିହ୍ନି ରାସନ ଯୋଗାଇ ଦେଇ ଲୋକଙ୍କ ପାଖରେ ବିଶ୍ବାସଭାଜନ ହୋଇପାରିଛି । ରାୟଗଡା ଥାନା ପୋଲିସ ପକ୍ଷରୁ ଆଜି ଗରିବଗୁରୁବା ଲୋକଙ୍କୁ ରାସନ ସାମଗ୍ରୀ ବଣ୍ଟନ କରାଯାଇଛି ।

କୋରୋନା ମହାମାରୀ ଯୋଗୁଁ ପ୍ରଭାବିତ ଗରିବ ଲୋକଙ୍କ ପରିବାର ବର୍ଗଙ୍କୁ ସାହାଯ୍ୟର ହାତ ବଢାଇ ବଦାନ୍ୟତାର ପରିଚୟ ପ୍ରଦାନ କରିଛନ୍ତି ରାୟଗଡା ଟାଉନ ଥାନା ପୋଲିସ । ସ୍ଥାନୀୟ ଜମ୍ବୁ, ପେରୀ ଗାଁ ସମେତ ନାଥମା, ତାଡମା ଗ୍ରାମ ନିକଟସ୍ଥ ଇଟାଭାଟିରେ ଫସି ରହିଥିବା କଳାହାଣ୍ଡି ଜିଲ୍ଲା ତଥା ପଡୋଶୀ ଆନ୍ଧ୍ର ଓ ଛତିଶଗଡର କିଛି ଶ୍ରମିକଙ୍କୁ ରାସନ ପ୍ୟାକେଟ ବଣ୍ଟନ କରିଛନ୍ତି ପୋଲିସ ଅଧିକାରୀ । ଉକ୍ତ ରାସନ ପ୍ୟାକଟରେ ପାଞ୍ଚ କିଗ୍ରା ଚାଉଳ, ଡାଲି ଏକ କେଜି, ଆଳୁ ଏକ କେଜି ଓ ରୋଷେଇ ପାଇଁ ଜରୁରୀ ତେଲ ଓ ଲୁଣ ଏବଂ ଫୁଟଣ ଇଦ୍ୟାତି ସାମଗ୍ରୀ ଲୋକଙ୍କୁ ପ୍ରଦାନ କରାଯାଇଛି ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ