ରାୟଗଡ଼ା: ଚିକିତ୍ସା ଅବହେଳାରୁ ଜଣେ ରୋଗୀର ମୄତ୍ୟୁକୁ ନେଇ ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଉତ୍ତେଜନା ଦେଖା ଦେଇଥିଲା । ଶ୍ବାସରୁଦ୍ଧ ହୋଇ ଚିକତ୍ସା ପାଇଁ ଆସିଥିବା ଜଣେ ରୋଗୀଙ୍କୁ ଠିକ ସମୟରେ ଇସିଜି କରା ନଯିବାରୁ ତାଙ୍କର ମୃତ୍ୟୁ ହୋଇଥିବା ଅଭିଯୋଗ କରିବା ସହ ଡାକ୍ତରଖାନାରେ ପାଟିତୁଣ୍ଡ କରିଥିଲେ ମୃତବ୍ୟକ୍ତିଙ୍କ ସମ୍ପର୍କୀୟ । ଘଟଣା ବିଷୟରେ ସୂଚନା ପାଇବା ପରେ ପୋଲିସ ଜିଲ୍ଲା ମୁଖ୍ୟ ଚିକିତ୍ସାଳୟରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ପରିସ୍ଥିତି ଶାନ୍ତ ପଡିଥିଲା ।
ଗୁରୁବାର ସକାଳ 10ଟା ବେଳେ ରାୟଗଡ଼ାର ରଶ୍ମି ରଞ୍ଜନ ଖଟୁଆ ନାମକ ବ୍ୟକ୍ତିଙ୍କୁ ଛାତିରେ ଜନ୍ତ୍ରଣା ହୋଇ ନିଶ୍ବାସ ନେବାରେ କଷ୍ଟ ହେବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଚିକିତ୍ସା କରୁଥିବା ଡାକ୍ତର ତାଙ୍କୁ ଇସିଜି କରିବା ପାଇଁ କହିଥିଲେ । ହେଲେ ଇସିଜି ଦାୟିତ୍ବରେ ଥିବା କର୍ମଚାରୀ ଦିନ 2ଟା ବେଳେ ଇସିଜି ହେବ ବୋଲି କହିଥିଲେ । ତେବେ ଏନେଇ ରୋଗୀଙ୍କ ସମ୍ପର୍କୀୟ ହସ୍ପିଟାଲ କର୍ତ୍ତୃପକ୍ଷଙ୍କୁ ଜଣାଇଲେ ମଧ୍ୟ କୌଣସି ଫଳ ମିଳି ନଥିଲା । ତେବେ ଦିନ ପ୍ରାୟ 1ଟା ସମୟରେ ରୋଗୀର ମୃତ୍ୟୁ ହୋଇଥିଲା । ଖବର ପାଇ ରୋଗୀଙ୍କ ସମ୍ପର୍କୀୟ ଓ ସାଙ୍ଗସାଥୀ ପ୍ରବଳ ପାଟିତୁଣ୍ଡ କରିଥିଲେ । ଘଟଣା ସ୍ଥଳରେ ପୋଲିସ ପହଞ୍ଚିବା ପରିସ୍ଥିତିକୁ ନିୟନ୍ତ୍ରିତ କରିବା ସହ ଦୁଇଜଣ ମେଡିକାଲ କର୍ମଚାରଙ୍କୁ ଅଟକ ରଖି ପଚରା ଉଚରା କରୁଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ