ରାୟଗଡ଼ା: ଆଦିମ ଜନଜାତି ଲାଞ୍ଜିଆ ସୌରାଙ୍କ ପାଇଁ ଖୋଲିଲା ମାତୃ ଓ ଶିଶୁ ପୋଷଣ କେନ୍ଦ୍ର । ରାୟଗଡ଼ା ଜିଲ୍ଲାରେ ଏବେ ମଧ୍ୟ ଅପପୃଷ୍ଟିହାର ହ୍ରାସ ପାଇନାହଁ। ଏହି ପରିପ୍ରେକ୍ଷୀରେ ଆଦିବାସୀ ଅଞ୍ଚଳ ପୁଟାସିଂରେ ମାତୃ ଓ ଶିଶୁ ପୋଷଣ କେନ୍ଦ୍ର ଖୋଲାଯାଇଛି ।
ଗତକାଲି(ମଙ୍ଗଳବାର)ରାୟଗଡ଼ା ଜିଲ୍ଲାପାଳ ସରୋଜ କୁମାର ମିଶ୍ର ଗୁଣପୁର ବ୍ଲକ ଅନ୍ତର୍ଗତ ପୁଟାସିଂ ଅଞ୍ଚଳ ଗସ୍ତ କରିଥିଲେ। ଏଥିସହ କେରେବା ଓ ଅବଡା ଠାରେ ନୂତନ ନିର୍ମିତ ମାତୃ ଶିଶୁ ପୋଷଣ କେନ୍ଦ୍ରକୁ ଉଦଘାଟନ କରିଥିଲେ । ଯାହା ପୁଟାସିଂ ଅଞ୍ଚଳରେ ବସବାସ କରୁଥିବା ଆଦିମ ଜନଜାତିଙ୍କ ମାତୃ ଶିଶୁ ସୁରକ୍ଷା ସାଙ୍ଗକୁ ଏହି ଅଞ୍ଚଳରେ ଅପପୃଷ୍ଟିକୁ ରୋକା ଯାଇପାରିବ। ପ୍ରଥମ ଦିନରେ ଜିଲ୍ଲାପାଳ ଶିଶୁ ମାନଙ୍କ ପାଇଁ ପ୍ରସ୍ତୁତ ଶୁଖିଲା ଖାଦ୍ୟର ପ୍ୟାକେଟ ବଣ୍ଟନ କରିଥିଲେ l ବିଳମ୍ବରେ ଵିଵାହ କରିଥିବା ୧୦ଜଣ ମହିଳାଙ୍କୁ ୨୦ ହଜାର ଟଙ୍କା ଲେଖାଏଁ ପ୍ରତ୍ସାହନ ରାଶି ପ୍ରଦାନ କରିଥିଲେ l ଆୟ ବୃଦ୍ଧି ନିମନ୍ତେ ୭ଗୋଟି ସ୍ବୟଂ ସହାୟକ ଗୋଷ୍ଠୀକୁ ଆର୍ଥିକ ସହାୟତା ପ୍ରଦାନ କରିଛନ୍ତି l ଦାରିଦ୍ର୍ୟ ଦୂରୀକରଣ ପାଣ୍ଠି ଯୋଜନାରେ ତିନି ଗୋଟି ସ୍ବୟଂ ସହାୟକ ଗୋଷ୍ଠୀକୁ 1 ଲକ୍ଷ ଟଙ୍କା ସହାୟତା ରାଶି ପ୍ରଦାନ କରାଯାଇଛି l