ରାୟଗଡା: ଘନେଇଲା ଜେଏସ୍କୋ ଜମି ବିବାଦ । ବେଆଇନ ଭାବେ ଜେଏସ୍କୋ ଦଖଲରେ ଥିବା ଜମିକୁ ମୁକ୍ତ ସାଙ୍ଗକୁ ଶ୍ରମିକଙ୍କ ପାଇଁ କମ୍ପାନୀ ପକ୍ଷରୁ ୧୯୭୦ ମସିହାରେ ଘର ଜମି ଦେବାକୁ ହୋଇଥିବା ଚୁକ୍ତି ପାଳନର ଖିଲାପ ପ୍ରତିବାଦରେ ଧାରଣାରେ ବସିଛନ୍ତି ପୂର୍ବରୁ ଏହି କାରଖାନାରେ କାମ କରୁଥିବା ଶ୍ରମିକଙ୍କ ପରିବାର । ୧୯୭୦ ମସିହାରେ ଜୟପୁର ସୁଗାର କମ୍ପାନୀରେ କାମ କରୁଥିବା ୩୦୦ ଶ୍ରମିକଙ୍କ ଠାରୁ ୨୦ ସେଣ୍ଟ ଘରଡ଼ିହ ବାବଦକୁ ୩୦୦ ଟଙ୍କା ଲେଖାଏଁ ନେଇଥିଲେ ସୁଦ୍ଧା ଆଜି ପର୍ଯ୍ୟନ୍ତ ଇଞ୍ଚେ ଜମି ଯୋଗାଇ ଦିଆଯାଇପାରିନି ।
ଭିଡିଓ ସୌଜନ୍ୟ- ସମ୍ବାଦଦାତା, ରାୟଗଡା
ଏପରିକି ଘର ଜମି ବାବଦକୁ ୬୦ ଏକର ଏବଂ କାରଖାନାର ବର୍ଜ୍ୟବସ୍ତୁ ପରିଚାଳନାର ଡ଼ମ୍ପିଂୟାର୍ଡ଼ ବାବଦକୁ ୭୦ ଏକର ଜମିକୁ ହାଇକୋର୍ଟ ଛାଡ଼ କରିଥିବା ବେଳେ କିନ୍ତୁ କମ୍ପାନୀ କତ୍ତୃପକ୍ଷ ଏଦିଗରେ ନିରବଦ୍ରଷ୍ଟା ସାଜିଛନ୍ତି । ଏହାର ପ୍ରତିବାଦରେ ଆଜି କାରଖାନାର ପୂର୍ବତନ କର୍ମଚାରୀ ସଂଗଠନର ପରିବାର ଲୋକେ କାରଖାନା ଆଗରେ ଧାରଣା ଦେଇଥିଲେ ।