ରାୟଗଡା:ଦିନକୁ ଦିନ ରାଜ୍ୟରେ ବଢିବାରେ ଲାଗିଛି ଗଞ୍ଜେଇ ଚୋରା ଚାଲାଣ । ପଡ଼ୋଶୀ କୋରାପୁଟ ଜିଲ୍ଳାରୁ ଖୋର୍ଦ୍ଧାକୁ ବେଆଇନ ଭାବେ ଗଞ୍ଜେଇ ଚୋର ଚାଲାଣ ବେଳେ ଅଭିଯୁକ୍ତକୁ ଧରିବାରେ ଅବକାରୀ ଟିମକୁ ମିଳିଛି ବଡ ସଫଳତା। ପ୍ରାୟ ୧୩ ଲକ୍ଷ ଟଙ୍କାର ୨ କୁଇଣ୍ଟାଲ ୫୮ କେଜି ୪୫୦ ଗ୍ରାମର ଗଞ୍ଜେଇ ଜବତ କରିବା ସହ ଜଣେ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି ଜିଲ୍ଲା ସଦର ଅବକାରୀ ଥାନା ପୋଲିସ । ଗିରଫ ଅଭିଯୁକ୍ତଙ୍କ ନାଁ ସୁରେଶ ସାହୁ ବୋଲି ଜଣାପଡିଛି ।
ସମ୍ପ୍ରତି ରାୟଗଡା ଜିଲ୍ଳା ଅବକାରୀ ଅଧୀକ୍ଷକଙ୍କ ଠାରୁ ମିଳିଥିବା ସୂଚନା ଅନୁଯାୟୀ ଗଞ୍ଜେଇ ଚୋରା ଚାଲାଣ ହେଉଥିବା ଏକ ବିଶେଷ ସୂତ୍ରରୁ ଖବର ପାଇଥିଲେ । ସଦର ଅବକାରୀ ଥାନାଙ୍କ ନେତୃତ୍ବରେ ସହରର ରିଲାଏନ୍ସ ପେଟ୍ରୋଲ ପମ୍ପ ସମ୍ମୁଖ ୩୨୬ ନମ୍ବର ଜାତୀୟ ରାଜପଥରେ ଥିବା ଜିଲ୍ଳା ପୋଲିସ ନାକା ଚେକିଂ ପଂଏଟ ଠାରେ ଅବକାରୀ ଥାନା ଷ୍ଟାଫ୍ ଉପସ୍ଥିତ ରହି ଗାଡିଗୁଡିକୁ ଯାଞ୍ଚ କରିଥିଲେ । ଏହି ସମୟରେ ଏକ ବୋଲେରୋ ଗାଡିକୁ ସନ୍ଦେହ କରି ଅଟକାଇ ଯାଞ୍ଚ କରି ଥିଲେ । ସେହି ଗାଡିରେ ଗଞ୍ଚେଇ ଚୋରା ଚାଲାଣ ହେଉଥିବା ଜଣାପଡିଥିଲା ।