ରାୟଗଡା: ପଲିଥିନ ବୋଝେଇ ଟ୍ରକରେ ଅକସ୍ମାତ ଲାଗିଛି ନିଆଁ । ଅଗ୍ନିକାଣ୍ଡ କାରଣରୁ ଗାଡି ସମ୍ପୂର୍ଣ୍ଣ ପୋଡି ଯାଇଥିବା ବେଳେ
ଏହି ଅଘଟଣରୁ ଅଳ୍ପକେ ବର୍ତ୍ତି ଯାଇଛନ୍ତି ଡ଼୍ରାଇଭର ଓ ହେଲପର । ତେବେ ଏପି ୧୬ ୟୁ ୮୩୨୨ ନମ୍ବର ଥିବା ଏକ ଟ୍ରକ ଜେକେରୁ ତେଲେଙ୍ଗାନା ଯାଉଥିଲା । ଏହି ସମୟରେ ସ୍ଥାନିୟ ମଝି ଘରିଆଣି ମନ୍ଦିର ନିକଟରେ ଡ଼୍ରାଇଭର ଟ୍ରକଟିକୁ ରଖି ବିଶ୍ରାମ ନେଉଥିଲା ।
ତେବେ ହଠାତ ଗାଡ଼ିରୁ ଧୁଆଁ ବାହାରୁ ଥିବା ଦେଖି ସ୍ଥାନିୟ ଲୋକେ ଡ଼୍ରାଇଭର ଏବଂ ହେଲପରକୁ ଉଠାଇ ଥିଲେ । ଚାହୁଁଚାହୁଁ ନିଆଁ ସମ୍ପୂର୍ଣ୍ଣ ମାଡ଼ିଯାଇଥିଲା । ଖବରପାଇ ଦମକଳ ବାହିନୀ ଘଟଣାସ୍ଥଳରେ ପହଁଞ୍ଚି ନିଆଁକୁ ଆୟତ କରିଛି ।