ରାୟଗଡା: ବିଷମ କଟକ ନିର୍ବାଚନ ମଣ୍ଡଳୀରେ ଚଷାପୁଅ ଭାବେ ପରିଚିତ ବିଜେଡ଼ିର ଯୁବନେତା ଜଗନ୍ନାଥ ସାରକା।କଠିନ ପରିଶ୍ରମ ଏବଂ ଦୃଢ ବିଶ୍ବାସ ବଳରେ ତୃଣମୂଳ ସ୍ତରରୁ ସଂଗଠନ ସୁଦୃଢ କରି ଜିଲ୍ଲାପରିଷଦ ଅଧକ୍ଷରୁ ବିଧାୟକ ହୋଇଥିଲେ ସେ । ଗତ ନିର୍ବାଚନରେ ବିପୁଳ ସଂଖ୍ୟାରେ ଭୋଟପାଇ ସେଠାକାର ବିଧାୟକ ପଦକୁ ହାସଲ କରିବାରେ ସକ୍ଷମ ହୋଇଥିଲେ ସେ । ତେବେ ଏଥର ମଧ୍ୟ ବିଜେଡ଼ି ତାଙ୍କ ଉପରେ ଆସ୍ଥା ପ୍ରକଟ କରି ଟିକେଟ ପ୍ରଦାନ କରିଛି। ସେ ମଧ୍ୟ ଦଳ ସୁପ୍ରିମୋଙ୍କ ଭରସା ପୁଣି ଥରେ ଜିତିବାକୁ ଲାଗି ପଡିଛନ୍ତି। ନବୀନଙ୍କ ସ୍ୱଚ୍ଛଶାସନ ଏବଂ ତାଙ୍କର ଗତ ୫ ବର୍ଷର କାର୍ଯ୍ୟଦକ୍ଷତା ତାଙ୍କୁ ପୁଣି ଥରେ ବିଜୟ କରିବ ବୋଲି ଆଶାବ୍ୟକ୍ତ କରିଛନ୍ତି ସେ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ତେବେ ନିର୍ବାଚନ ଜିତିଲେ ନିଜ ନିର୍ବାଚନ ମଣ୍ଡଳୀପାଇଁ କଣ କରିବେ ପ୍ରଶ୍ନରେ ମତ ରଖିଛନ୍ତି ସେ । ‘ଇଟିଭି ଭାରତ‘ର ‘ପାଞ୍ଚଟି ପ୍ରଶ୍ନ ନେତାଙ୍କୁ’କାର୍ଯ୍ୟକ୍ରମରେ ସାମିଲ ହୋଇ ଏହିସବୁ ପ୍ରଶ୍ନର ଉତ୍ତର ରଖିଛନ୍ତି ଯୁବନେତା ଜଗନ୍ନାଥ ସାରକା ।