ରାୟଗଡା: ଜିଲ୍ଲାର ନଗର ସ୍ଥିତ ଭେଙ୍କେଟଶ୍ବର କଲ୍ୟାଣ ମଣ୍ଡପ ଠାରେ ବିଜେପି ରାୟଗଡ଼ା ନଗର ମଣ୍ଡଳର ଦ୍ବିତୀୟ କାର୍ଯ୍ୟକାରିଣୀ ବୈଠକ ନଗର ସଭାପତି ଶ୍ୟାମ କୁମାର ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ପ୍ରଥମେ ଭାରତମାତା, ଶ୍ୟାମା ପ୍ରସାଦ ମୁଖାର୍ଜୀ, ପଣ୍ଡିତ ଦିନଦୟାଲ ଉପାଧ୍ୟାୟଙ୍କ ଫୋଟୋଚିତ୍ରରେ ମାଲ୍ୟାର୍ପଣ କରିବା ସହ ସଭା କାର୍ଯ୍ୟ ଆରମ୍ଭ କରାଯାଇଥିଲା ।
ବିଜେପି ନଗର ମଣ୍ଡଳର ଦ୍ବିତୀୟ କାର୍ଯ୍ୟକାରିଣୀ ବୈଠକ
ପରେ ନଗର ସାଧାରଣ ସମ୍ପାଦକ ପ୍ରଶାନ୍ତ ପଟ୍ଟନାୟକ ନଗର ମଣ୍ଡଳର ଚିଠା ପ୍ରସ୍ତାବ ଆଗତ କରିଥିଲେ । ଜଳ ଯୋଗାଣ, ସଫେଇ ବ୍ୟବସ୍ଥା, ମହିଳା ନଗର ଥାନା, ବେରୋଜଗାର, ସ୍ବାସ୍ଥ୍ୟ, ପବ୍ଲିକ ଟଏଲେଟ, ବସ୍ତି ବାସିନ୍ଦାଙ୍କ ପଟ୍ଟା ପ୍ରଦାନ, ଜରୁରୀକାଳୀନ ଯୋଗାଯୋଗ ଫଳକ, ହାତୀପଥର ନଦୀର ପୁନରୁଦ୍ଧାର, ସାଇପ୍ରିୟା ନଗରକୁ ପୌର ପରିଷଦରେ ଅନ୍ତର୍ଭୁକ୍ତ ଓ ପୌର ପରିଷଦର ମାର୍କେଟ କମ୍ପ୍ଲେକ୍ସ, ଶପିଙ୍ଗ କମ୍ପ୍ଲେକ୍ସ ଦୁର୍ନୀତି ଆଦି ଭଳି ପ୍ରମୁଖ ସମସ୍ୟା ଗୁଡିକ ପ୍ରତି ପୌର ପ୍ରଶାସନର ଦୃଷ୍ଟି ଆକର୍ଷଣ କରିବା ପାଇଁ ନିଷ୍ପତ୍ତି ନିଆଯାଇଥିଲା ।