ରାୟଗଡା: ଇ-କମର୍ସ ସାଇଟ୍ରେ ଡଙ୍ଗରିଆଙ୍କ ସାମଗ୍ରୀ ନାଁରେ ଚାଲିଛି ଠକେଇ । ଡଙ୍ଗରିଆଙ୍କ କପଡାଗୁନ୍ଦା ଜାତୀୟ ତଥା ଅନ୍ତର୍ଜାତୀୟ ବଜାରରେ ପ୍ରସିଦ୍ଧ ଲାଭ କରିଛି। ହେଲେ ଅନ୍ ଲାଇନରେ ଆଦିମ ଜନଜାତି ଡଙ୍ଗରିଆ କନ୍ଧଙ୍କ କଳା ଓ ସଂସ୍କୃତିକୁ ନକଲ କରି ନକଲି ସାମଗ୍ରୀ ବିକ୍ରିର ଏବେ ଅଭିଯୋଗ ହୋଇଛି ।
ଡଙ୍ଗରିଆ ସଂସ୍କୃତିକୁ ଅସମ୍ମାନ, ଥାନାରେ ଏତଲା
ସବୁଠାରୁ ବଡ କଥା ଗତ କିଛି ଦିନ ତଳେ ଇ-କମର୍ସ ସାଇଟରେ ଏକ ବ୍ୟବସାୟୀ ସଂସ୍ଥା ଡଙ୍ଗରିଆ କନ୍ଧ ସମ୍ପ୍ରଦାୟ ନିଜ ଆରାଧ୍ୟ ଦେବତାଙ୍କ ପୂଜା ଉଦ୍ଦେଶ୍ୟରେ ଝାଙ୍କରୀ ଗୁଡି(ଧରିଣିଗୁଡି)ରେ ଆଙ୍କୁ ଥିବା ଚିତ୍ରକୁ ଚପଲରେ ବ୍ୟବହାର କରି ବିକ୍ରି ପାଇଁ ବିଜ୍ଞାପନ ଦେବା ପରେ ଡଙ୍ଗରିଆଙ୍କ ମଧ୍ୟରେ ଅସନ୍ତୋଷ ଦାନା ବାନ୍ଧିବାରେ ଲାଗିଛି । ଏପରିକି ଏନେଇ ପୋଲିସ ଷ୍ଟେସନରେ ମାମଲା ମଧ୍ୟ ରୁଜୁ ହୋଇଛି ।