ବଂଶଧାରା ନଦୀ ବ୍ରିଜ ତଳୁ ବାଇକ ସହ ମୃତଦେହ ଉଦ୍ଧାର

ରାୟଗଡା ଜିଲ୍ଲା ମୁନିଗୁଡା ଥାନା ଅନ୍ତର୍ଗତ ବଂଶଧରା ନଦୀର ବ୍ରିଜ ତଳେ ବାଇକ୍ ସହ ଜଣେ ଯୁବକର ମୃତଦେହକୁ ଉଦ୍ଧାର କରିଛି ମୁନିଗୁଡା ପୋଲିସ ।

ରାୟଗଡା: ଜିଲ୍ଲା ମୁନିଗୁଡା ଥାନା ଅନ୍ତର୍ଗତ କୁଟ୍ରାଗଡ ଗାଁ ଦେଇ ଯାଇଥିବା ବଂଶଧରା ନଦୀର ବ୍ରିଜ ତଳେ ବାଇକ୍ ସହ ଜଣେ ଯୁବକର ମୃତଦେହ ଉଦ୍ଧାର କରିଛି ମୁନିଗୁଡା ପୋଲିସ । ମୄତ ବ୍ୟକ୍ତି ଜଣକ ଜଗଦଲପୁର ଫାଣ୍ଡି ଅନ୍ତର୍ଗତ ଚିକାମ୍ବରି ଗାଁର ରାମଚନ୍ଦ୍ର ମହାନନ୍ଦିଆ ବୋଲି ଜଣାପଡିଛି । ସେ ମୁନିଗୁଡାର ଗୋବର୍ଦ୍ଧନ ସାହିରେ ଭଡାରେ ରହୁଥିବା ସ୍ଥାନୀୟ ଲୋକ କହିଛନ୍ତି ।

ଆଜି ସକାଳୁ କୁଟ୍ରାଗଡ ଗ୍ରାମବାସୀ ନଦୀକୁ ଗାଧୋଇ ଯିବା ସମୟରେ ଏହି ମୄତଦେହକୁ ଦେଖି ମୁନିଗୁଡା ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି । ଏକ ମାମଲା ରୁଜୁ କରି ଶବ ବ୍ୟବଛେଦ ପାଇଁ ମୁନିଗୁଡା ପଠାଇ ତଦନ୍ତ ଆରମ୍ଭ କରିଛି ପୋଲିସ ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ