ରାୟଗଡ଼ା: କୋଡ଼ିଏ ଫୁଟ ତଳକୁ ଖସିପଡିଛି ଏକ ଯାତ୍ରୀବାହୀ ଅଟୋ । ଫଳରେ ଡ୍ରାଇଭରର ମୃତ୍ୟୁ ଘଟିଥିବାବେଳେ ୭ ଜଣ ଆଶା କର୍ମୀ ଗୁରୁତର ଭାବେ ଆହତ ହୋଇଛନ୍ତି । ଏହି ଦୁର୍ଘଟଣା ଘଟିଛି ରାୟଗଡ଼ା ଜିଲ୍ଲା କାଶୀପୁର ବ୍ଲକର କୁସୁମଘାଟିରେ ।
୨୦ ଫୁଟ ତଳକୁ ଖସିଲା ଅଟୋ, ଜଣେ ମୃତ ୭ ଗୁରୁତର
୨୦ ଫୁଟ ତଳକୁ ଖସିଲା ଅଟୋ: ଜଣେ ମୃତ, ୭ ଗୁରୁତର
ରାୟଗଡ଼ା ଜିଲ୍ଲା କାଶୀପୁର ବ୍ଲକର କୁସୁମଘାଟିର ତଳକୁ ଖସିପଡ଼ିଲା ଏକ ଯାତ୍ରୀବାହୀ ଅଟୋ । ଫଳରେ ଘଟଣାସ୍ଥଳରେ ଡ୍ରାଇଭରଙ୍କ ମୃତ୍ଯୁ ଘଟିଥିବାବେଳେ ଅଟୋରେ ଥିବା 7 ଜଣ ଆଶାକର୍ମୀ ଗୁରୁତର ଆହତ ହୋଇଛନ୍ତି ।
auto-accident
ମାଣ୍ଡିବିଶୀ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ବୈଠକ ସାରି ସିରିପାଇ ପଞ୍ଚାୟତ ମିନାଖୁଣ୍ଟି ଗାଁକୁ ଫେରୁଥିବାବେଳେ ଭାରସାମ୍ୟ ହରାଇ ୨୦ ଫୁଟ ତଳକୁ ଖସିଛି ଅଟୋ । ଫଳରେ ଅଟୋ ଚାଳକ ଯୁଧିଷ୍ଠିର ନାୟକଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା ଏବଂ ଆହତଙ୍କୁ କାଶୀପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଘଟଣାସ୍ଥଳରେ କାଶୀପୁର ପୋଲିସ ପହଞ୍ଚିବା ସହ ଘଟଣାର ତଦନ୍ତ କରୁଛି ।
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ